મહેસાણા... આ નામથી કદાચ આ કોઈ અજાણ નહીં હોય. ગુજરાત, દેશ કે પછી દુનિયા. મહેસાણાના નામથી બધા જ પરિચિત છે. કારણ કે આ જિલ્લો રાજ્યની રાજકીય લેબોરેટરી કહેવાય છે. દેશના પ્રધાનમંત્રી નરેન્દ્ર મોદી પણ આજ જિલ્લાના સંતાન છે. તો આ જિલ્લો ન માત્ર રાજકીય ક્ષેત્રે અવ્વલ છે. પરંતુ પોતાની અલગ જ અને હેલ્ધી ખાણી-પીણી માટે પણ જાણિતો છે. તમે એક રસપ્રદ વાત પણ જાણી લેશો કે તમે મહેસાણાની કોઈ પણ રેસ્ટોરેન્ટ, હોટલ કે ઢાબામાં જશો. તો તમને ભાખરી, શાક અચુક મળી જશે. હોટલ-નાની મોટી હશે પણ ભાખરી-શાક તો મળશે.
મહેસાણનું ભાખરી-શાક એક આગવી ઓળખ
મહેસાણા જિલ્લો હેલ્ધી ખાણી-પીણી માટે પણ જાણિતો
સેવ-ટામેટા, આખા દહીંની કઢી, રોટલાનું ચુરમું અને લસણિયા બટાકાનો સમાવેશ
મહેસાણનું ભાખરી-શાક એક આગવી ઓળખ ધરાવે છે. એટલું મશહૂર છે કે લોકો છેક અમદાવાદ, પાલનપુરથી સ્પેશિયલ ખાવા જાય છે. તો અમદાવાદથી રાજસ્થાન, અને દિલ્હી જતા હાઈવે પર કોઈ વાહન ચાલક ભાખરી-શાક ખાધા વીના આગળ વધતો નથી. ત્યારે આટલી મશહૂર ભાખરી-શાકનો સ્વાદ માણવા અને તેની વિશેષતા જાણવા અમે નીકળ્યા.
મહેસાણાના કેટલાક શાક ફેમસ છે. જેમાં સેવ-ટામેટા, આખા દહીંની કઢી, રોટલાનું ચુરમું અને લસણિયા બટાકાનો સમાવેશ થાય છે. કોઈપણ વ્યક્તિ અહીં ખાઈને વખાણ જ કરે છે. ત્યારે જુઓ મહેસાણા ભાખરી શાકની લિજ્જત...