મહેસાણા: ઉત્તર ગુજરાતના કેટલાંક જિલ્લાઓમાં ભેદી ધડાકા થયા છે. મહેસાણા અને બનાસકાંઠામાં આકાશમાં ચમકારા સાથે ભેદી ધડાકા થતા લોકમાં પણ આ વિષય ચર્ચાનું કેન્દ્ર બન્યુ છે.
ભેદી ધડાકાને લઈને સ્થાનિકોમાં પણ ભારે અસમંજસની સ્થિતિ સામે આવી છે. આકાશમાં અચાનક ભેદી ધડાકા થતા લોકોમાં પણ વિવિધ ચર્ચાએ જોર પકડ્યુ છે. તો આકાશમાં આ રીતે ભેદી ધડાકા થવાનું રહસ્ય પણ અકબંધ છે. ઉલ્કાવર્ષાના ધડાકા થયા હોવાનું હાલ પ્રાથમિક અનુમાન છે. પણ હજુ સુધી આ મામલે કોઈ ચોક્કસ કારણ જાણવા મળ્યુ નથી.
પોરબંદર ખાતે પણ ગઇકાલે સંભળાયા હતા ભેદી ધડાકા
પોરબંદરમાં ભેદી ધડાકો થતા લોકોમાં ભય જોવા મળ્યો છે. પોરબંદરથી લઈને રાણાવાવ સુધી ભેદી ધડાકાનો આવા સંભળાયો હતો. આ ધડાકો ભૂકંપનો છે કે અન્ય કોઇ તે અંગે લોકો એક બીજાને પૂછપરછ કરવામાં આવી રહી છે. એકાએક ભેદી ધડાકો થતા લોકો ઘરની બહાર દોડી ગયા હતા અને લોકોમાં ભય જોવા મળ્યો.
આ ઘટના મામલે મળતી વિગતો મુજબ, આજરોજ પોરબંદરમાં ફરીએકવાર ભેદી ધડાકો સંભળતા ચકચાર મચી જવા પામી હતી. અચાનક થયેલ આ પ્રકારના ભેદી ધડાકાને કારણે સ્થાનિક લોકોમાં ભયનો માહોલ જોવા મળ્યો હતો અને રહિશો પોતાના ઘરની બહાર અથવા તો કામના સ્થળે બહાર દોડી આવ્યા હતા. જો કે, આ ધડાકો ક્યા કારણોસર થયો તે હજી સુધી જાણવા મળી શક્યું નથી.