મહેસાણા: ગુજરાતી ગાયક કલાકાર ગમન સાંથલના વિરૂદ્ધમાં પબ્લિક નોન કોગ્નીઝેબલ ફરિયાદ થઈ છે. મહેસાણાના સાંથલ ગામમાં મનોજ પટેલ નામના યુવકે ગમન સાંથલ સામે ફરિયાદ કરી છે. યુવકને ઘરે બોલાવી માર માર્યો હોવાનો ફરિયાદમાં ઉલ્લેખ કરવામાં આવ્યો છે. આ મામલે સાંથલ પોલીસ સ્ટેશનમાં ફરિયાદ થઈ છે. સાંથલ પોલીસે ફરિયાદ લઈને આગળની કાર્યવાહી હાથધરી છે.
આ મામલે મળતી વિગતો મુજબ ઉત્તર ગુજરાતના જાણીતા લોકગાયક ગમન સાંથલ વિરૂદ્ધ પબ્લિક નોન કોગ્નીઝેબલ ફરિયાદ નોંધાતા કિસ્સો ટોક ઓફ ધ ટાઉન બન્યો હતો. સાંથલ ગામના મનોજ પટેલ નામના એક યુવકે આ ફરિયાદ પોલીસ મથકે નોંધાવી હતી. જેમાં તેણે કહ્યું હતું કે ગમન સાંથલે ઘરે બોલાવીને માર માર્યો હતો.
કોણ જાણો હવે ક્યારે મળીશું અને રંગીલા રાજા ગીત બાદ વધુ જાણીતા બનેલા ગાયક ભુવાજી ગમન સાંથલ સામે ફરિયાદ નોંધાતા સાંથલ પોલીસે કાયદેસરની કાર્યવાહી હાથ ધરી હતી. ત્યારે હવે જોવું જ રહ્યું કે આ ફરિયાદ બાદ ગાયક સામે પોલીસ દ્વારા કેવા પ્રકારે કડક પગલાં લેવામાં આવે છે.