નિવેદન / મુફ્તી બોલ્યાં, પૂર્વ CMનો પાસપોર્ટ દેશ માટે ખતરો, શું કાશ્મીરમાં સામાન્ય સ્થિતિનું આ સ્તર છે?

• મહેબૂબા મુફતીને પાસપોર્ટ ન અપાયું 
• જમ્મુ કાશ્મીર પોલીસે ન આપી મંજૂરી 
• જમ્મુ કાશ્મીરના પૂર્વ સીએમ રહી ચૂક્યા છે મહેબૂબા મુફ્તી

જમ્મુ-કાશ્મીરના ભૂતપૂર્વ મુખ્ય પ્રધાન મહેબૂબા મુફ્તીએ ફરી એક વખત કેન્દ્ર સરકાર પર નિશાન સાધ્યું છે અને તેમના પર પાસપોર્ટ નહીં આપવાનો આરોપ લગાવ્યો છે. મહેબૂબા મુફ્તિએ આક્ષેપ કર્યો છે કે તેમનો પાસપોર્ટ જાહેર કરવામાં આવ્યો નથી, કારણ કે કેન્દ્રને લાગે છે કે તે ભારતની સુરક્ષા માટે ખતરો છે. સાથે જ તેમણે આ મામલે કેન્દ્ર પર નિશાન સાધતાં કહ્યું હતું કે આ જ કાશ્મીરમાં સામાન્ય સ્થિતિ છે.

Passport office has also rejected my mother’s passport application. CID claims that my mother who is well into her seventies is a ‘threat to national security’ & therefore doesn’t deserve a passport. GOI is employing absurd methods to harass & punish me for not toeing their line pic.twitter.com/XvPH9D6Oez

— Mehbooba Mufti (@MehboobaMufti) March 29, 2021

સીઆઇડી રિપોર્ટના લીધે ન મળી મંજૂરી 

મહેબૂબા મુફ્તીએ કહ્યું, "પાસપોર્ટ ઓફિસે સીઆઈડી રિપોર્ટના આધારે મારો પાસપોર્ટ જાહેર કરવાની ના પાડી દીધી, કારણ કે તેનાથી ભારતની સુરક્ષાને ખતરો છે." ઓગસ્ટ 2019 થી કાશ્મીરમાં જે હાલતને સામાન્ય ગણાવાઈ રહી છે, આ તેનું સ્તર છે કે પાસપોર્ટ માટે એક પૂર્વ મુખ્ય પ્રધાનને શક્તિશાળી રાષ્ટ્રની સાર્વભૌમત્વ માટે ખતરો ગણાવાઈ રહ્યોછે. "

આ પહેલા જમ્મુ-કાશ્મીર પોલીસે પ્રતિકૂળ અહેવાલોનો સંદર્ભ આપીને મહેબૂબા મુફ્તીને પાસપોર્ટ આપવાનો વિરોધ કર્યો હતો. પાસપોર્ટ અરજીને મંજૂરી આપવામાં મોડુ થવાના મામલે મહેબૂબા મુફ્તીએ કરેલી અરજી પર સુનાવણી દરમિયાન જમ્મુ-કાશ્મીર હાઈકોર્ટમાં એક અહેવાલ રજૂ કરાયો હતો.

Passport Office refused to issue my passport based on CID’s report citing it as ‘detrimental to the security of India. This is the level of normalcy achieved in Kashmir since Aug 2019 that an ex Chief Minister holding a passport is a threat to the sovereignty of a mighty nation. pic.twitter.com/3Z2CfDgmJy

— Mehbooba Mufti (@MehboobaMufti) March 29, 2021

મુફ્તીએ નવા પાસપોર્ટ માટે અરજી કરી હતી 

મહેબૂબા મુફ્તીનો જૂનો પાસપોર્ટ 31 મેના રોજ સમાપ્ત થઈ ગયો, ત્યારબાદ તેણે ગયા વર્ષે ડિસેમ્બરમાં નવા પાસપોર્ટ માટે અરજી કરી હતી, પરંતુ પોલીસ વેરિફિકેશન રિપોર્ટના અભાવને લીધે હજુ સુધી અરજીને મંજૂરી મળી નથી. અધિકારીઓએ જણાવ્યું હતું કે ક્રાઇમ ઈન્વેસ્ટિગેશન ડિપાર્ટમેન્ટ (સીઆઈડી) દ્વારા તેમની વિરુદ્ધ પ્રતિકૂળ રિપોર્ટ આપવામાં આવ્યો છે, પરંતુ આ મામલો કોર્ટમાં હોવાનું કહીને આ બાબતે વધુ માહિતી આપવાનો ઇનકાર કર્યો હતો.