જૂનમાં વરસાદ પાછો ખેંચાયા બાદ રાજ્યમાં ધમાકેદાર વરસાદ રિએન્ટ્રી રાજ્યના 156 તાલુકાઓમાં મેઘરાજા મન મુકીને વરસ્યા
રાજ્યમાં વરસાદી માહોલ છવાયો
એક દિવસમાં 156 તાલુકામાં વરસાદ
ધોરાજીમાં સૌથી વધુ 3.5 ઇંચ વરસાદ
જૂનમાં વરસાદ પાછો ખેંચાયા બાદ રાજ્યમાં ધમાકેદાર વરસાદ રિએન્ટ્રી થઈ છે, ગઈ કાલે શનિવારે રાજ્યના 156 તાલુકાઓમાં મેઘરાજા મન મુકીને વરસ્યા હતા. વીજળીના કડાકા અને ભડાકા સાથે વરસાદનું ફરી આગમન થતા ખેડૂતોમાં ખુશી જોવા મળી રહી છે રાજ્યમાં વરસાદને કાગડોળે રાહ જોવાતી હતી એવામાં વરસાદનું પૂનરાગમન થતા ખેડૂતોની ચિંતામાં ઘટાડો થયો છે.
એક દિવસમાં 156 તાલુકામાં વરસાદ
સૌથી વધારે રાજકોટના ધોરાજીમાં 3.5 ઇંચ વરસાદ વરસાદ પડ્યો સતત વરસાદ વરસવાના કારણે નીચાણવાળા વિસ્તારોમાં આવેલી દુકાનોમાં તેમજ મકાનોમાં પાણી ફરી વળ્યા હતા. બીજી તરફ સતત ધોધમાર વરસાદ વરસવાના કારણે રસ્તા પર નદીની જેમ પાણી વહી રહ્યા હોય તે પ્રકારના દૃશ્યો સામે આવ્યા હતા.
કયા તાલુકામાં કેટલો વરસાદ પડ્યો
છેલ્લા 24 કલાકમાં અનેક જિલ્લાઓ અને તાલુકામાં સારો એવો વરસાદ પડ્યો છે ત્યારે જો તાલુકાવાર જોવામાં આવે તો ડાંગમાં સવા 3 ઇંચ ખાબક્યો છે, ધરમપુરમાં 3 ઇંચ વરસાદ પડ્યો છે. વરસાદે ધમાકેદા એન્ટ્રી મારી છે ત્યારે નાંદોદમાં 3 ઈંચ, સુરતમાં 2.5 ઈંચ વરસાદ નોંધાયો છે.
મેઘરાજા મન મુકીને વરસ્યા
લાંબા સમયના વિરામ મેઘરાજા ફરી મહેરબાર થયા છે, ત્યારે દાહોદમાં પણ મેઘરાજા મન મુકીને વરસ્યા હતા એક દિવસમાં દાહોદમાં સવા 2 ઈંચ વરસાદ નોંધાયો હતો જ્યારે ઉમરગામમાં પણ સવા 2 ઈંચ ખાબક્યો હતો. આ તરફ તિલકવાડામાં 2 ઈંચ તો માળિયામાં પણ 2 ઈંચ જેટલો વરસાદ નોંધાયો હતો.
અનેક તાલુકાઓમાં સારો વરસાદ
મહત્વનું છે કે હવામાન વિભાગે વરસાદની આગાહી કરી હતી તે જોતા માંગરોળમાં પોણા 2 ઈંચ, તથા માણાવદરમાં પોણા 2 ઈંચ વરસાદ ખાબક્યો હતો જ્યારે ખેરગામમાં 1.5 ઈંચ તો જેતપુર પાવીમાં 1.5 ઈંચ વરસાદ નોંધાયો હતો. જ્યારે ઈંચમાણાવદર- પોણા 2 ઈંચ માળિયા- 2 ઈંચ જેટલો વરસાદ પડ્યો હતો
અનેક તાલુકાઓમાં નોંધાયો 1.5 ઈંચ વરસાદ
રાજ્યાના અનેક જિલ્લાઓમાં વરસાદ ખાબક્યો છે જ્યારે રાજ્યમાં અનેક તાલુકામાં 1.5 ઈંચ જેટલો વરસાદ પડ્યો હતો જેમાં ઓલપાડ, જલાલપોર, હાંસોટ, છોટાઉદેપુર, અમીરગઢ, સિંહોર, ભરૂચ,નવસારી સહિત કોડીનાર, બાબરા, જલાલપોર પણ 1.5 ઈંચ જેટલો વરસાદ ખાબક્યો હતો
રાજ્યમાં ભારે વરસાદની આગાહી
મહત્વનું છે કે રાજ્યમાં હવામાન વિભાગે વરસાદની આગાહી કરી છે ત્યારે રાજ્યમાં વરસાદી માહોલ જામ્યો છે સૌરાષ્ટ્ર સહિત દક્ષિણ ગુજરાતમાં હળવાથી મધ્યમ વરસાદની આગાહી કરી છે આ તરફ ગાંધીનગર, વડોદરા, અમદાવાદમાં વરસાદી ઝાપટા પડવાની સંભાવનાઓ વ્યક્ત કરવામાં આવી છે
મધ્ય ગુજરાતમાં પણ રહેશે વરસાદી માહોલ
રાજ્યમાં 3 દિવસ વરસાદ સારો રહેવાની હવામાન વિભાગે આગાહી કરી છે તો દક્ષિણ ગુજરાતમાં 11થી 13 જુલાઈ દરમિયાન સારો વરસાદ પડી શકે તેવું હવામાન વિભાગે જણાાવ્યું છે તેમજ સૌરાષ્ટ્ર સહિતના પંથકમાં 12-13 જુલાઈએ હળવાથી મધ્યમ વરસાદ પડી શકે છે સાથે જ ઉત્તર ગુજરાતમાં પણ વરસાદ પડી શકે છે.
લો પ્રેશન સક્રિય થતા પડી શકે છે વરસાદ
જૂન મહિના બાદ વરસાદ પાછો ખેંચાતા હવામાન વિભાગે વરસાદની સંભાવના નહીવત હોવાની સંભાવનાઓ વ્યક્ત કરી હતી જે બાદ ખેડૂતો ચિંતામાં મુકાઈ ગયા હતા પરતું હવે લો પ્રેશન સક્રિય થતા રાજ્યમાં વરસાદની સંભાવનાઓ સેવાઈ રહી છે.
રવિવારથી સમગ્ર ગુજરાતમાં વરસાદ સંભાવના
રવિવારથી સમગ્ર ગુજરાતમાં વરસાદ પડવાની સંભાવના સેવાઈ રહી છે અષાઢી બીજના દિવસે પણ રાજ્યના અલગ અલગ ભાગોમાં વરસાદ પડી શકે છે. આ તરફ સૌરાષ્ટ્ર. દક્ષિણ ગુજરાત, મધ્યગુજરાતમાં હળવાથી ભારે વરસાદ પડી શકે છે જ્યારે કચ્છ સહિત ઉત્તર ગુજરાતમાં ભારે થી સામાન્ય વરસાદ ખાબકી શકે છે.
રાજ્યમાં 11 થી 20 જૂલાઈ સુધી વરસાદી વાતાવરણ
હવામાન વિભાગે આગાહી કરતા જણાવ્યું છે કે આગામી 11 જૂલાઈથી 20 જૂલાઈ સુધી રાજ્યમાં વરસાદી વાતાવરણ રહેશે આ દરમિયાન ભારે વરસાદને કારણે નદી નાળાઓમાં પૂર આવે તેવી સ્થિતિ સર્જાઈ શકે છે. હવામાન વિભાગે સૌરાષ્ટ્ર અને દક્ષિણ ગુજરાતમાં પણ સારા વરસાદની સંભાવનાઓ વ્યક્ત કરી છે.
અરબી સમુદ્રમાં હળવું દબાણ સર્જાશે
આ તરફ 14 જૂલાઈથી 16 જૂલાઈ સુધી અરબી સમુદ્રમાં હળવું દબાણ સર્જાશે તેવું હવામાન વિભાગે જણાવ્યું છે. જેથી દ્રારકાથી જખૌ સુધીના દરિયામાં હળવા દબાણની સંભાવના વ્યક્ત કરાઈ રહી છે ત્યારે ખલાસીઓને એલર્ટ કરાયા છે
કાગ ડોળે વરસાદની રાહ જોવાઈ રહી છે
મહત્વનું છે વરસાદ પાછો ખેંચાતા ખેડૂતો ચિંતાતૂર બન્યા હતા કેમ કે હજારો હેક્ટરમાં તૈયાર કરેલો પાક પાણી વગર બળી જવાની ભિતિ સેવાઈ રહી હતી પરતું હવે વરસાદની સંભાવના સેવાઈ રહી છે ત્યારે ખેડૂતો કાગ ડોળે વરસાદની રાહ જોઈને બેઠા છે.