અરવલ્લી / મેઘરજના પોલીસ કર્મીની દાદાગીરી, ફરિયાદીને જ અપશબ્દો આપીને જુઓ કેવા ધમકાવ્યા

• મેઘરજના પોલીસ સ્ટેશનના પોલીસકર્મીની ઓડિયો ક્લીપ વાયરલ
• નશામાં ધૂત વ્યક્તિને પકડવા કોલ કરનાર ફરિયાદીને ઘમકાવી બોલ્યા અપશબ્દ
• સામાન્ય નાગરિકો વિરુદ્ધ પોલીસના ગેરવર્તનથી આક્રોષનો માહોલ

અરવલ્લીના મેઘરજમાં પોલીસકર્મીની દાદાગીરી

અરવલ્લીના મેઘરજમાં પોલીસકર્મચારીની દાદાગીરીનો એક ઓડિયો ક્લીપ વાયરલ થયો છે. જેમાં નશામાં ધૂત વ્યક્તિને પકડવા માટે એક અરજદારે પોલીસ સ્ટેશનમાં ફોન કરનાર ફરિયાદીને પોલી કર્મીએ અપશબ્દો બોલ્યાં 

પોલીસકર્મીએ ફરિયાદીને બોલ્યા અપશબ્દ

વાયરલ થયેલા ઓડિયો ક્લીપના અનુસાર અરવલ્લીના મેઘરજમાં એક અરજદારે 112 નંબર કોલ કરીને નશામાં ધૂત વ્યક્તિને પકડવા માહિતી આપી હતી. તે દરમિયાન મેઘરજના પોલીસ કર્મીઓ કોલ કરનાર ફરિયાદીને અપશબ્દ બોલ્યા હતાં.  જેની ઓડિયો ક્લીપ વાયરલ થતાં લોકોમાં હાલ ભારે રોષ જોવા મળી રહ્યો છે. 

પોલીસકર્મી વિરુદ્ધ કાર્યવાહીની માગ

ઉલ્લેખનીય છે કે, મેઘરજના પોલીસકર્મીનો કથિત અપશબ્દો વાળો ઓડિયો વાયરલ થતાં સ્થાનિક લોકોમાં આ મામલે ભારે રોષ વ્યાપી જવા પામ્યો છે. બીજી તરફ બિભત્સ શબ્દો ઉચ્ચારનાર પોલીસકર્મી વિરૂદ્ધ કાર્યવાહીની માંગ પણ ઉઠવા પામ્યા છે.