Panchmahal Rain / પંચમહાલમાં મેઘરાજાની સટાસટી, હાલોલમાં ધોધમાર વરસાદથી ઘર-રસ્તા-બજાર પાણીમાં ડૂબ્યા

હવામાન વિભાગ દ્વારા આજે પંચમહાલ જિલ્લામાં વરસાદને લઈ આગાહી કરવામાં આવી હતી. હવામાન વિભાગે પંચમહાલ અને છોટાઉદેપુરમાં વરસાદને લઈ આગાહી કરી હતી.

ગુજરાતના અનેક વિસ્તારોમાં ધોધમાર વરસાદ ખાબક્યો છે. પંચમહાલના હાલોલ પંથક સહિત ગ્રામ્ય વિસ્તારોમાં ધોધમાર વરસાદ વરસ્યો છે. 2 કલાકમાં બે ઈંચ જેટલો વરસાદ નોંધાયો છે. હાલોલ શહેરના અનેક વિસ્તાર પાણીમાં ગરકાવ થયા છે. પાણી ભરાતા વાહનચાલકો ભારે હાલાકી સામે આવી છે.

પંચમહાલ સહિત રાજ્યના અનેક વિસ્તારોમાં ધોધમાર વરસાદ ખાબક્યો હતો.ત્યારે જિલ્લાના હાલોલ તાલુકામાં 2 ઈંચથી વધુ વધારે વરસાદ નોંધાયો છે.

પાવાગઢ ડુંગર અને તળેટી વિસ્તારમાં પણ ધોધમાર વરસાદ વરસ્યો છે. પાવાગઢ ડુંગર વિસ્તારમાં ભારે વરસાદને લઈને રેવા પથના પગથિયાઓમાં પાણીનો ભારે પ્રવાહ જોવા મળ્યો છે.પગથિયામાં ભારે પાણીના વહી રહેલા પ્રવાહનો વીડિયો સામે આવ્યો છે. પાવાગઢ ડુંગર વિસ્તારમાં વરસાદને લઈને નયનરમ્ય વાતાવરણ સર્જાયું છે.

જિલ્લાના હાલોલ ગોધરા શહેર અને આસપાસના વિસ્તારોમાં ભારે પવન સાથે ધોધમાર વરસાદ વરસ્યો છે. હાલોલ શહેરમાં ધોધમાર વરસાદને લઈને બસ સ્ટેન્ડ અને નિચાણવાળા વિસ્તારોમાં પાણી ભરાઈ ગયા છે.હાલોલ શહેરના મુખ્ય માર્ગો ભારે વરસાદાને કારણે પાણી પાણી થયા છે. હાલોલ જ્યોતિ સર્કલથી હાલોલ બસ સ્ટેન્ડ મુખ્ય માર્ગ ઉપર વરસાદી પાણી ફરી વળ્યા છે. આ કારણે લોકોને મુશ્કેલીનો સામનો કરવો પડી રહ્યો છે.

વધુ વાંચો: છોટાઉદેપુરમાં ભારજ નદી પર ડાયવર્ઝનનો ભાગ તણાયો, અનેક ગામો સંપર્ક વિહોણા

મુખ્ય માર્ગ ઉપર વરસાદી પાણી ફરી વળતા માર્ગ બંધ કરાયો છે. હાલોલ શહેરના મુખ્ય માર્ગો પર ઘૂંટણસમાં પાણી ભરાતા નાના મોટા વાહનચાલકોને મુશ્કેલી પડી રહી છે.હવામાન વિભાગ દ્વારા આજે પંચમહાલ જિલ્લામાં વરસાદને લઈ આગાહી કરવામાં આવી હતી. હવામાન વિભાગે પંચમહાલ અને છોટાઉદેપુરમાં વરસાદને લઈ આગાહી કરી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ