જનતાને રાહત / આ રાજ્યે પેટ્રોલ-ડીઝલના ભાવમાં રુપિયા 7 નો કુલ ઘટાડો કર્યો, શું ગુજરાત કરશે ?

• મેઘાલય સરકારે પેટ્રોલ-ડીઝલના ભાવ પર 2 રુપિયાનું વળતર આપ્યું
• રાજ્ય સરકારે પેટ્રોલ અને ડીઝલ પરના વેટમાં 5 રુપિયાનો ઘટાડો કરવાનો નિર્ણય કર્યો
• નવા ભાવ પેટ્રોલ અને ડીઝલની સ્પર્ધાત્મક કિંમતોને સુનિશ્ચિત કરશે

મેઘાલયના મુખ્યમંત્રી કોનરાડ કે.સંગમાએ જણાવ્યું કે રાજ્ય સરકારે પેટ્રોલ અને ડીઝલ પરના વેટમાં 5 રુપિયાનો ઘટાડો કરવાનો નિર્ણય કર્યો છે.

5 રુપિયાના ઘટાડા બાદ રાજ્યના લોકોને કેટલામાં પેટ્રોલ-ડીઝલ મળશે

મેઘાલયમાં 5 રુપિયાના ઘટાડા પહેલા પ્રતિ લીટર પેટ્રોલનો ભાવ રુપિયા 91.26 અને ડીઝલનો ભાવ રુ. 86.23 હતો. પરંતુ હવે પ્રતિ લીટર પેટ્રોલનો ભાવ રુપિયા 85.86 અને ડીઝલનો ભાવ રુ.79.13 રહેશે.

મુખ્યપ્રધાને કહ્યું કે પેટ્રોલ અને ડીઝલ પર રુપિયા 2 ના વળતરના રાજ્ય સરકારના ગત અઠવાડિયાના નિર્ણય પછી પેટ્રોલના ભાવનો કુલ ઘટાડો રુપિયા 7.4 તથા ડીઝલના ભાવનો કુલ ઘટાડો રુપિયા 7.1 રહેશે. 

મેઘાલયમાં શા માટે પેટ્રોલ-ડીઝલના ભાવ ઘટ્યા
રાજ્ય સરકારે પેટ્રોલ અને ડીઝલ પરના વેટને 31.62 ટકાથી ઘટાડીને 20 ટકા કર્યો હોવાથી પેટ્રોલ અને ડીઝલના ભાવમાં ઘટાડો જોવા મળ્યો છે. પ્રતિ લીટર પરના ડીઝલ પરના વેટને 22.95 ટકાથી ઘટાડીને 12 ટકા કરી દેવાયો છે. 

મુખ્યપ્રધાને જણાવ્યું નવા ભાવ પેટ્રોલ અને ડીઝલની સ્પર્ધાત્મક કિંમતોને સુનિશ્ચિત કરશે, આસામ સરકાર પણ ગત અઠવાડિયે પેટ્રોલ અને ડીઝલના ભાવમાં 5 રુપિયાનો ઘટાડો જાહેર કરી ચૂકી છે.