અમદાવાદ:પોલીસનું મેગા સર્ચ ઓપરેશન દારૂ ભરેલ ડ્રમ વાળ્યા ઊંધા

અમદાવાદ: નવરાત્રીના પર્વ લઈ પોલીસે મેગા સર્ચ ઓપરેશન હાથ ધર્યું છે. ઝોન-4 DCP દ્વારા દારૂની બાતમીને લઈ રેડ પાડવામાં આવી છે. શહેરના જુદા-જુદા વિસ્તારોમાં પોલીસે આ રેડ પાડી છે. જેમાં 200થી વધુ પોલીસ કર્મીઓ સ્ટેન્ડ બાય કરાયા છે.

ઉલ્લેખનીય છે કે પોલીસે અત્યાર સુધીમાં 56 લોકોને દારૂના નશામાં ઝડપ્યા છે. તો 28 વાહનચાલકોની નશાના હાલતમાં અટકાયત કરી છે. 7 જેટલી ટીમના સંયુક્ત ઓપરેશનમાં પોલીસે 50થી વધુ બુટલેગરનું લિસ્ટ બનાવી આ દિશામાં કાયદેસરની કાર્યવાહી હાથ ધરી છે.

આપને જણાવી દઇએ કે આજરોજ શહેરના છારાનગર વિસ્તામાં 1 DCP 2 ACP 3 PI 7 PSI સહિત 200થી વધુ પોલીસકર્મીએ LIVE મેગા સર્ચ ઓપરેશન હાથ ધર્યું હતું. પોલીસને છારાનગરમાં દારૂ વેચાતો હોવાની બાતમી મળતા આખી પોલીસ ટીમ ત્રાટકી હતી. તહેવારોમાં દારૂની રેલમછેલ થતાં બુટલેગરો સામે પોલીસે કડક કાર્યવાહી હાથ ધરી છે.
 

#Navaratri ના પર્વને લઈને #Police નું મેગા સર્ચ ઓપરેશન ઝોન-4 DCP દ્વારા દારૂને લઈને મેગા સર્ચ ઓપરેશન જુદા જુદા વિસ્તારોમાં પોલીસની રેડ 7 જેટલી ટીમો બનાવીને પાડવામાં આવી રેડ દારૂની બાતમીને લઈને પોલીસનું મેગા સર્ચ 200થી વધુ પોલીસ કર્મચારીઓ રેડમાં હાજર pic.twitter.com/hXuTKE4Adb

— VTV Gujarati News (@VtvGujarati) October 13 2018

ઉલ્લેખનીય છે કે એક તરફ તહેવારોની સિઝન થઇ છે ત્યારે રાજ્યમાં દારૂની રેલમછેલમ કરનારા લોકો સામે પોલીસે લાલઆંખ કરી છે અને શહેરના વિવિધ સ્થળો પર દરોડા પાડીને દારૂ ઝડપવા કમર કસી છે.

ત્યારે આજરોજ પોલીસે દારૂ ભરેલા મોટા ડ્રમ ઉંધા વાળ્યા હતા. અમદાવાદ પોલીસે પાડેલ દરોડાને કારણે દારૂનું વેચાણ કરતા અને ઉત્પાદન કરતા લોકોમાં ભયનો માહલો જોવા મળ્યો હતો.