IPLIN
 

એક્શન / VIDEO: એકસાથે 25000 જવાનો સાથે અમદાવાદમાં પોલીસનું મેગા રિહર્સલ, હર્ષ સંઘવી પણ ચાલતા નીકળ્યા

Team VTV 02:29 PM, 28 Jun 22
Follow us
Mega rehearsal on Rathyatra route by Ahmedabad city police

અમદાવાદમાં રથયાત્રાને લઇને અમદાવાદ શહેર પોલીસ દ્વારા મેગા રિહર્સલ, રથયાત્રા અગાઉ કરવામાં આવ્યુ ગ્રાન્ડ રિહર્સલ,

  • રથયાત્રા પહેલા પોલીસનું મેગા રિહર્સલ
  • અર્ધલશ્કરી દળ, SRP, RAFનું રિહર્સલ
  • 25 હજાર જવાનો જોડાયા

ભગવાન જગન્નાથજીની 145મી રથયાત્રાને લઇને અમદાવાદ શહેર પોલીસ એક્શન મોડમાં આવી ગઇ છે. 1લી જુલાઇએ નાથ નગરચર્યાએ નીકળવાના છે ત્યારે આજે અમદાવાદ પોલીસ દ્વારા બંદોબસ્તને લઇને પોલીસ દ્વારા મેગા રિહર્સલ કરવામાં આવ્યું. સમગ્ર રથયાત્રા રૂટ પર પોલીસની ટીમ દ્વારા સુરક્ષાની સમીક્ષા કરવામાં આવી.  આ મેગા રિહર્સલમાં 25 હજાર જવાનો જોડાયા હતા. મહત્વનું છે કે રથયાત્રાના રૂટમાં સંવેદનશીલ વિસ્તારો પણ છે જ્યાં ખાસ ચાંપતો બંદોબસ્ત રાખવામાં આવ્યો છે. રથયાત્રા દરમિયાન સુરક્ષામાં કોઇ ચૂક ન રહી જાય તે માટે આજે મેગા રિહર્સલ કરવામાં આવ્યું હતું. 

હર્ષ સંઘવી પણ પગપાળા જોડાયા 

અમદાવાદમાં રથયાત્રાના રૂટ પર ગૃહરાજ્યમંત્રી હર્ષ સંઘવી પગપાળા જોડાયા હતા. સંવેદનશીલ વિસ્તારોમાં પોલીસની ટીમ સાથે ફરીને તેમણે સુરક્ષાની સમીક્ષા કરી હતી. 
આ દરમિયાન મુસ્લિમ ભાઈઓએ હાર પહેરાવી હર્ષ સંઘવીનું સ્વાગત કર્યુ હતું. તેમજ તેમની પર પુષ્પવર્ષા પણ કરવામાં આવી હતી. 

રથયાત્રાના રૂટ પર પોલીસનું મેગા રિહર્સલ

રથયાત્રાના દિવસે કાયદો અને વ્યવસ્થા જળવાય તેના ભાગરૂપે આજે પોલીસનું મેગા રિહર્સલ હાથ ધરવામાં આવ્યું હતું.  મેગા રિહર્સલનો હેતુ એજ હોય છે કે પ્લાનિંગમાં કોઇ ખામી હોય તો તેને તાત્કાલિક દૂર કનરીને સુચારુ આયોજન કરી શકાય. મહત્વનું છે કે આ વખતે પહેલીવાર પેરામોટરિંગ તથા હેલિકોપ્ટરથી રથયાત્રાનું નિરીક્ષણ કરવામા આવનાર છે. આ વખતે હાઇટેક્નોલોજી સાથે 25 હજારથી વધુના પોલીસ જવાનો બંદોબસ્તમાં તૈનાત રહેશે. તો સાથે જ પેરા મિલિટરી ફોર્સ સહિત SRP અને ચેતક કમાન્ડો પણ સંવેદનશીલ વિસ્તારમાં રથયાત્રાના બંદોબસ્તમાં ગોઠવાયા છે. 

રથયાત્રામાં પોલીસનો ચુસ્ત બંદોબસ્ત 

  • 4 DIG
  • 20 SP 
  • 38 DCP 
  • 60 DYSP
  • 150 PI
  • 300 PSI
  • 2 હજાર પોલીસ કર્મચારીઓ 
  • SRPની 21 કંપની 
  • પેરા મિલિટરી ફોર્સની 25 ટીમ 
  • સેન્ટ્રલ પેરા મિલ્ટ્રી ફોર્સની 22 કંપની 
  • બોડી વોર્ન કેમેરાથી સજ્જ જવાનો 
  • કુલ 25 હજારથી વધુ પોલીસ જવાનો

 

રથયાત્રામાં પ્રથમવાર પેરામોટરનો ઉપયોગ થશે

વધુમાં તમને જણાવી દઇએ કે, અમદાવાદમાં રથયાત્રામાં પ્રથમવાર પેરામોટરનો ઉપયોગ થશે. આકાશમાં ઉડી શકે તે પ્રકારની પેરામોટરનો ઉપયોગ થશે. ડ્રોનની સાથે-સાથે પેરામોટરથી પણ નજર રહેશે. પોલીસે GMDCમાં પેરામોટરનું ટ્રાયલ પણ કર્યું છે. પેરાગ્લાઈડિંગથી આકાશમાંથી નજર રાખવામાં આવશે. પોલીસ જવાનો પેરાગ્લાઇડ કરી આકાશમાંથી નજર રાખશે. ગોકાર્ટ સાથે પેરાશુટથી જોડાયેલા વાહનનો ઉપયોગ કરાશે.

જાણો રથયાત્રાના દિવસે શું-શું ઉત્સવો છે?

29 જૂન

સવારે 6 વાગ્યે ભગવાનની ગર્ભગૃહમાં પ્રવેશ
સવારે 7.30થી 10.30 સુધી નેત્રોત્સવ વિધિ, ધ્વજારોહણ અને મહાઆરતી
સવારે 11 વાગ્યે સાધુસંતોનો ભંડારો - વસ્ત્રદાન

30 જૂન

સવારે 10.30 વાગ્યે સોનાવેશ તેમજ શોડોષચાર પૂજન થશે
સવારે 10.45 વાગ્યે ગજરાજોનું પૂજન
બપોરે 12 વાગ્યે મંદિરના પ્રાંગણમાં ત્રણેય રથોની પ્રતિષ્ઠા
બપોરે 3 વાગ્યે રથનું પૂજન અને મહા આરતી
સાંજે 6 વાગ્યે મુખ્યમંત્રી ભૂપેન્દ્ર પટેલ દ્વારા વિશિષ્ટ પૂજા આરતી
સાંજે 8 વાગ્યે મહાઆરતી

1 જુલાઈ

સવારે 4 વાગ્યે મંગળાઆરતી
સવારે 4.45 ખીચડાનો ભોગ ધરાવશે
સવારે 5 વાગ્યે ભગવાનના પાટા ખોલાશે
સવારે 7 વાગ્યે પહિંદવિધિ
સવારે 7.05 ત્રણેય રથનું પ્રસ્થાન
સાંજે 8 વાગ્યે રથો નિજમંદિર પરત ફરશે
 

અમદાવાદ પોલીસ મેગા રિહર્સલ અમદાવાદ રથયાત્રા પોલીસ બંદોબસ્ત રથયાત્રાનો રૂટ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ