વિકેટકીપર બેટ્સમેન ઈશાન કિશન આ મેગા ઓક્શનમાં અત્યાર સુધીનો સૌથી મોંઘો ખેલાડી બની ગયો છે. કિશનને લઈને મુંબઈ ઈંડિયંસ, સનરાઈઝર્સ હૈદરાબાદ, ગુજરાત ટાઈટન્સ, પંજાબ કિંગ્સે બિડ વોર કર્યું હતું.
IPL 2022નો સૌથી મોંઘો ખેલાડી ઈશાન કિશન
મુંબઈ ઈંડિયંસે પહેલી વાર 10 કરોડથી વધારેનો ખર્ચ કર્યો
રેકોર્ડબ્રેક 15.25 કરોડની લગાવી બોલી
વિકેટકીપર બેટ્સમેન ઈશાન કિશન આ મેગા ઓક્શનમાં અત્યાર સુધીનો સૌથી મોંઘો ખેલાડી બની ગયો છે. કિશનને લઈને મુંબઈ ઈંડિયંસ, સનરાઈઝર્સ હૈદરાબાદ, ગુજરાત ટાઈટન્સ, પંજાબ કિંગ્સે બિડ વોર કર્યું હતું. જે બાદ મુંબઈ ઈંડિયંસે ઈશાન કિશને 15.25 કરોડ રૂપિયામાં ખરીદવામાં સફળ રહી હતી.
મુંબઈ ઈંડિયંસે પહેલી વાર 10 કરોડથી વધારેનો ખર્ચ કર્યો
મુંબઈ ઈંડિયંસે પોતાના ઈતિહાસમાં પહેલી વાર કોઈ ખેલાડી પર ઓક્શનમાં 10 કરોડ રૂપિયાથી વધારેનો ખર્ચ કર્યો છે. ઈશાન કિશન મુંબઈ માટે સતત શાનદાર રમત રમી રહ્યો છે. કિશન માટે મુંબઈ ઈંડિયંસ અને સનરાઈઝર્સ હૈદરાબાદ વચ્ચે એક લાંબી બિડ વોર ચાલી હતી, જેના અંતમાં મુંબઈ ઈંડિયંસે 15.25 રૂપિયા ખર્ચ કરી ખતમ કર્યું હતું. કિશન માટે મુંબઈ ઉપરાંત હૈદરાબાદ, ગુજરાત ટાઈટન્સ, પંજાબ કિંગ્સે બિડીંગ કર્યું હતું.
વિકેટકીપર બેટ્સમેન ઈશાન કિશ ટીમ ઈંડિયાનો પૂર્વ ઓલરાઉંડર યુવરાજ સિંહનો રેકોર્ડ તોડી નાખ્યો છે. યુવરાજ સિંહને વર્ષ 2015ની સીઝનમાં દિલ્હી ડેયરડેવિલ્સે 16 કરોડ રૂપિયામાં ખરીદ્યો હતો. IPL ના ઈતિહાસમાં સૌથી મોંઘો ખેલાડી દક્ષિણ આફ્રિકી ઓલરાઉંડર ક્રિસ મોરિસ છે. તેને રાજસ્થાન રોયલ્સે 16.25 કરોડ રૂપિયામાં ખરીદ્યો હતો. આ ઓક્શનમાં કિશનની પહેલા કોલકાત્તા નાઈટ રાઈડર્સે શ્રેયસ અય્યર પર 12.25 કરોડ રૂપિયા ખર્ચ કર્યો હતો. ઈશાન કિશન હવે આ ડીલ બાદ આ ઓક્શનમાં સૌથી મોંઘો ખેલાડી બની ગયો છે.