અમેરિકન કંપની માઇક્રોસોફ્ટ કોર્પોરેશનના સહ-સ્થાપક બિલ ગેટ્સે કોરોના સામે ભારતના રસીકરણ અભિયાનના ભરપેટ વખાણ કર્યા છે.
માઈક્રોસોફ્ટના સંસ્થાપક બિલ ગેટ્સ સાથે મનસુખ માંડવિયાએ કરી મુલાકાત
બિલ ગેટ્સે કોરોનાકાળમાં ભારતે કરેલા કામના વખાણ કર્યા
મનસુખ માંડવિયાએ કહી આ વાત
અમેરિકન કંપની માઇક્રોસોફ્ટ કોર્પોરેશનના સહ-સ્થાપક બિલ ગેટ્સે કોરોના સામે ભારતના રસીકરણ અભિયાનના ભરપેટ વખાણ કર્યા છે. દાવોસમાં વર્લ્ડ ઈકોનોમિક ફોરમ (WEF) ખાતે કેન્દ્રીય સ્વાસ્થ્ય મંત્રી મનસુખ માંડવિયા સાથેની બેઠક દરમિયાન તેમણે કોવિડ-19 રસીકરણના વખાણ કર્યા હતા.
કોરોના કાળમાં ભારતે કરેલા કામના વખાણ કર્યા
ગેટ્સે એક નિવેદનમાં જણાવ્યું હતું કે, તેમણે ભારતીય આરોગ્ય મંત્રી ડૉ. મનસુખ માંડવિયા સાથેની તેમની મુલાકાત દરમિયાન વૈશ્વિક સ્વાસ્થ્ય પર વિચારોનું આદાનપ્રદાન કર્યું હતું. તેમની મુલાકાત ઘણી રીતે ફળદાયી રહી, ગેટ્સે મનસુખ માંડવિયા સાથેની મુલાકાતને સારો અનુભવ ગણાવ્યો હતો. તે જ સમયે, તેમણે કહ્યું કે, કોવિડ સામે રસીકરણ અભિયાનમાં ભારતની સફળતા અને મોટા પાયે આરોગ્ય પરિણામો પ્રાપ્ત કરવા માટે ટેકનોલોજીનો ઉપયોગ વિશ્વના અન્ય દેશો માટે પાઠ છે.
It was great to meet Dr @mansukhmandviya and exchange perspectives on global health. India's success with the vaccination drive and the use of technology to drive health outcomes at scale offers many lessons for the world.
તે જ સમયે, ભૂતકાળમાં, બિલ ગેટ્સ સાથેની તસવીરો શેર કરતી વખતે, કેન્દ્રીય આરોગ્ય મંત્રી ડૉ. મનસુખ માંડવિયાએ લખ્યું હતું કે, વર્લ્ડ ઇકોનોમિક ફોરમમાં બિલ ગેટ્સ સાથે મુલાકાત એક સારો અનુભવ હતો. તેમણે કોવિડ-19 દરમિયાન ભારતના મેનેજમેન્ટની તેમજ વિશાળ રસીકરણની પ્રશંસા કરી હતી.
ગેટ્સ સાથેની મીટિંગ વિશે વધુ વિગતો આપતા માંડવિયાએ જણાવ્યું હતું કે, "અમે ડિજિટલ હેલ્થ, રોગ નિયંત્રણ વ્યવસ્થાપન, mRNA પ્રાદેશિક હબ બનાવવા તેમજ સસ્તું અને ગુણવત્તાયુક્ત સારવાર અને તબીબી વિકાસને મજબૂત કરવા સહિત આરોગ્યસંભાળ સંબંધિત વિષયોની વ્યાપક શ્રેણી પર ચર્ચા કરી હતી.