કોળી સમાજની 14 ટકા અને ઠાકોર સમાજની 16 ટકા વોટબેંક, સી.આર.પાટીલ સાથે આગામી ચૂંટણીમાં સમાજના પ્રભુત્વ મુદ્દે ચર્ચા
સી.આર.પાટીલ સાથેની બેઠકમાં ફતેપરા સાઈડલાઈન
"સરકારનાં ચહેરા અને મહોરા બદલાઈ ગયાં" ફતેપરાના કુંવરજી સામે આક્ષેપ
કોઈ ફાંટા પડ્યા નથી: બાવળિયા
ગુજરાતની રાજનીતિ હવે નાત-જાત પર થવા લાગી છે.. દરેક સમાજને પ્રભુત્વ જોઈએ છે.. અને આ પ્રભુત્વની ચાહમાં હવે એક જ સમાજના લોકો વચ્ચે પણ ફાંટા પડતા જોવા મળી રહ્યા છે.. આવું જ કાંઈક સૌથી મોટી વોટબેંક ધરાવતા કોળી સમાજમાં પણ જોવા મળી રહ્યું છે.. ખાસ કરીને સૌરાષ્ટ્રની કોળી સમાજની લોબીમાં બે ફાટા પડ્યા છે.. જેમાં કુંબરજી બાવળિયા અને દેવજી ફતેપરા સામ-સામે આવી ગયા છે..
કોળી સમાજના અગ્રણીઓમાં ચૂંટણી પહેલા કકળાટ!
પાટીદાર સમાજથી શરૂ થયેલી સત્તામાં પ્રભુત્વની વાત હવે રાજ્યની સૌથી મોટી વોટબેંક ધરાવતા સમાજ માટે પણ એક મુદ્દો બની ગઈ છે.. અને આ સમાજ એટલે કે, કોળી સમાજ... સૌરાષ્ટ્રમાં કોળી સમાજની સૌથી મોટી વોટબેંક છે.. જે ગુજરાતની રાજનીતિમાં ખુબ મોટી અસર કરી શકે છે.. તેમાં પણ કુંવરજી બાવળિયા સહિતના નેતાઓ હવે 2022 પહેલા જ સમાજના નામે ફરી ગુમાવેલી સત્તા મેળવવા માગે છે.. ત્યારે 2022માં કોળી અને ઠાકોર સમાજના સત્તામાં પ્રભુત્વ મુદ્દે આજે કોળી નેતાઓની ભાજપ પ્રદેશ અધ્યક્ષ સી.આર.પાટીલ સાથે મુલાકાત થઈ... પરંતુ આ મુલાકાતમાં કોળી સમાજની યોજાયેલી બેઠકમાં નારાજ થયેલા સમાજના અગ્રણીઓ અને પૂર્વ સાંસદ એવા દેવજી ફતેપરાને સાઈડમાં રાખી કુંવરજી બાવળિયા મિટિંગ માટે પહોંચી ગયા હતા.. જેના કારણે દેવજી ફતેપરા અને કોળી અગ્રણીઓ નારાજ થયા છે.. જોકે દેવજી ફતેપરાની નારાજગી અને નિવેદન અંગે જ્યારે કુંવરજી બાવળિયા સાથે મીડિયાએ વાત કરવાનો પ્રયાસ કર્યો તો તેઓએ આ મુદ્દે માત્ર ફતેપરા પુરતી નારાજગી હોય તેવો ઈશારો કર્યો..
સત્તામાં સમાજના પ્રભૂત્વ માટેની રજૂઆત.. હવે બની ગઈ બે ફાંટાની વાત!
અહીં આ સમગ્ર મામલો ગરમાયો કેવી રીતે તે અંગે જો વાત કરવામાં આવે તો.2 જાન્યુઆરીએ રાજકોટમાં કોળી સમાજના આગેવાનોની બેઠક મળી હતી.જેમાં પ્રદેશ ભાજપ પ્રમુખ સી.આર.પાટીલ બોલાવે તો કોને મળવા જવાનું છે તે નક્કી કરાયું હતું.પરંતુ કુંવરજી ફરી ગયા હોય તેમ અનેક અગ્રણીઓ અને દેવજી ફતેપરાને સાઈડલાઈન કરી કેટલાક આગેવાનો સાથે મિટિંગ કરવા માટે પહોંચી ગયા હતા.અને સી.આર.પાટીલ સાથે આગામી ચૂંટણીમાં સમાજના પ્રભુત્વ મુદ્દે ચર્ચા કરી હતી.જોકે આ મિટિંગમાં દેવજી ફતેપરાને સાઈડલાઈન કરવા એટલે કે, સૌરાષ્ટ્રના કોળી સમાજમાં બે ફાટા પડવા સમાન છે.કારણ કે, દેવજી ફતેપરા પણ સમાજના મોટા વર્ગ પર પ્રભુત્વ ધરાવે છે.અને જો વોટબેંકની વાત કરવામાં આવે તો.રાજ્યમાં કોળી સમાજની 14 ટકા વોટબેંક અને ઠાકોર સમાજની 16 ટકા વોટબેંક છે.તેવામાં જો આ બંને વોટબેંકમાં ભંગાણ પડે તો કોઈપણ રાજકીય પક્ષને ભારે પડી શકે છે. ત્યારે આ નારાજગીને રાજકીય નિષ્ણાત અલગ રીતે જોઈ રહ્યા છે.
મજબૂરી અને મજબૂતીની લડાઈ
મહત્વનું છે કે, 2022ની ચૂંટણીના સંદર્ભમાં સમાજની સીડીએ ચઢીને ફરી ખુરશી ગ્રહણનો તખતો છેલ્લા બે મહિનાથી જુદા-જુદા સમાજના આગેવાનો લડી રહ્યા છે.. અને આજ ઈરાદાઓ સાથે કોળી સમાજના દિગ્ગજ નેતાઓએ સંમેલન યોજ્યું હતું... જેમાં મજબૂરી અને મજબૂતીની રણનીતિઓ લડાઈ હતી... પરંતુ ક્યાંક આ રણનીતિઓમાં કૂવરજી પોતાનો સ્વાર્થ સાધતા હોય તેવું દેખાઈ રહ્યું છે. ત્યારે જોવાનું એ રહેશે કે, સત્તાની સીડિ સુધી પહોંચવાના સપના જોતા કુંવરજીને ફતેપરાને સાઈડલાઈન કરવા કેટલા ભારે પડી શકે છે..