વિરોધ / વિદેશી કંપનીઓએ ગુજરાતની હીરા પેઢીઓ પર એક સાથે કોપીરાઇટના 200 કેસ કર્યા, ડાયમંડ યુનિટ આવ્યું મેદાને

• સુરત ડાયમંડ મશીનરી એન્ડ ટેકનોલોજી એસો.ની બેઠક
• વિદેશી કંપનીઓ દ્વારા કોપીરાઇટના એક સાથે 200 કેસ કર્યા 
• કંપનીઓએ ડિટેક્ટિવ દ્વારા વીડિયો રેકોર્ડિંગ કરાવ્યા

ગુજરાતની 20 જેટલી હીરાની પેઢીઓ પર કોપીરાઈટ મામલે સર્વેની કામગીરી હાથ ધરાઈ છે. જેના વિરોધમાં આજે સુરતમાં  ડાયમંડ એસોસિએશન દ્વારા બેઠકનું આયોજન કરાયુ હતુ. જેમાં વિદેશી કંપનીની કાર્યવાહીનો વિરોધ કરવામાં આવ્યા હતો. ઈઝરાયલ સ્થિત એક કંપની જેના કોપીરાઈટ અમેરિકા પાસે છે તેના કંપની દ્વારા ગુજરાતની વિવિધ હીરાની પેઢીઓ પર મશીનોના કોપીરાઈટનો કેસ કરવામાં આવ્યો છે. જેના પગલે કોર્ટના આદેશ મુજબ વિદેશી કંપનીએ ગુજરાતની 200થી વધુ હીરાની પેઢીઓમાં સર્વેની કામગીરી હાથ ધરી છે.

શું છે સમગ્ર વિવાદનું મૂળ?
સુરતની હીરા નગરી ની અંદર પણ અલગ-અલગ મશીન જે રીતે વપરાય છે તેને લઈને કોપીરાઇટનો મુદ્દો છે તે સામે આવ્યો છે સુરત હીરા બજારના વેપારીઓ વિદેશી કંપની સામે લડી લેવાના મૂડમાં છે કારણ કે વિદેશી કંપની દ્વારા સતત અલગ-અલગ ડાયમંડ કંપનીઓ પર કોપિરાઇટ ના કેસો કરવામાં આવી રહ્યા છે તેના કારણે હીરા બજાર ઉપર માઠી અસર પડી રહી છે. સુરત ડાયમંડ એસોસિએશન અને સુરત ટેકનિકલ ડાયમંડ એસોસીએશન દ્વારા એક આજે મીટીંગ નું આયોજન કરવામાં આવ્યું હતું અને જેની અંદર વિદેશી કંપનીઓ સામે કઈ રીતે કાયદાકીય લડત લઈ શકાય, સરકાર સામે કઈ રીતે રજૂઆત કરી શકાય તે બાબતેની અનેક ચર્ચાઓ કરવામાં આવી હતી.

કોપીરાઇટનો ઇશ્યું શું છે?

• દેશમાં બનેલા મશીનો ગુજરાતના હીરા વેપારીઓ કરી રહ્યા છે ઉપયોગ
• અમેરિકન કંપનીએ મશીનોના કોપી રાઈટનો કર્યો છે કેસ
• 200થી વધુ હીરાની પેઢીઓ પર કોપીરાઈટનો થયો છે કેસ
• કોર્ટના આદેશ મુજબ અમેરિકન કંપનીએ હીરાની પેઢીઓનુ ચેકિંગ હાથ ધર્યુ
• હીરાની પેઢીના સર્વેની કામગીરી પ્રાઈવેટ ડીટેક્ટિવ કંપનીને સોંપાઈ
• છેલ્લા 15 દિવસથી ગુજરાતની હીરા કંપનીઓનુ થઈ રહ્યુ છે ચેકિંગ
• સુરતમાં ભાવનગર,અમરેલી,જૂનાગઢ,પાલનપુર,વિસનગર સર્વેની કામગીરી
• સર્વેની કામગીરીનો ગુજરાતી હીરા કંપનીઓ કરી રહી છે વિરોધ
• રફ ડાયમન્ડ તથા અન્ય મશીનોનુ રેકોર્ડિંગ કર્યાનો આક્ષેપ
• રેકોર્ડિંગ કરી ડેટા એકત્રીત કર્યાનો ગુજરાત ડાયમન્ડ ઈન્ડસ્ટ્રીનો આક્ષેપ
• રેકોર્ડેડ ડેટા લીક થાય તો ગુજરાતી ડાયમન્ડ ઈન્ડસ્ટ્રીને નુકસાન થવાની સંભાવના

સુરત ડાયમંડ એસો. મેદાને પડ્યું
આજે સુરત ડાયમંડ એસોસિએશન અને સુરત ડાયમંડ મશીનરી અને ટેકનિક લોજી એસોસિએશન દ્વારા આજે એક મિટિંગનું આયોજન કરવામાં આવ્યું હતું જેની અંદર મોટી સંખ્યા ની અંદર સુરત શહેરના અલગ-અલગ વેપારીઓ જે મશીન સાથે સંકળાયેલા છે કે વેપારીઓ કારીગરો અને આગેવાનો જોડાયા હતા અને સાથે માંગ કરી હતી કે એક એસોસિએશન બનાવી અને સરકાર સામે આ બાબતે કઈ રીતે માંગ કરી શકાય અને આ લડતને કઈ રીતે આગળ ચલાવી શકાય ત્યારે કાયદાકીય રીતે પણ કઈ રીતે આગળ વધવું તે બાબતે વકીલ રાખી વિદેશી કંપની અવળચંડાઇ બાબતે લડવા માટેની તૈયારી બતાવવામાં આવી છે 

શું છે હીરા વેપારીઑની માંગ?
આવનારા દિવસોની અંદર કૉપીરાઇટ મશીનનો જે વિરોધ ચાલી રહ્યો છે તે ગુજરાતના અલગ-અલગ જીલ્લાની અંદર પણ છવાય તો નવાઈ નહીં કારણ કે જે રીતે હવે તો ગુજરાતના અલગ-અલગ નાના-નાના જીલ્લાની અંદર પણ હીરાની ફેક્ટરીઓ ચાલી રહી છે અને ત્યાં પણ મશીનનો ઉપયોગ કરવામાં આવતો હોય છે અને ત્યાં કેસ કરવાની છે વાત સામે આવી છે તેના કારણે તમામ જેસલ દ્વારા હવે લડી લેવાના મૂડમાં છે જેથી હવે જવાનો રૂપિયા સરકાર દ્વારા આ બાબતે કોઈ રસ્તો લાવવામાં આવે છે અથવા તો કોઈ વેપારીઓને માંગ છે તેને કઈ રીતે નિરાકરણ કરવામાં આવે.