ગઈ કાલે અહીંના શેખ ઝાયેદ સ્ટેડિયમમાં આઇપીએલ-૨૦૨૦નો ૩૫મો મુકાબલો હૈદરાબાદ-કોલકાતા વચ્ચે રમાયો. મેચમાં ખેલાડીઓએ તો કમાલ કરી જ, પરંતુ આ મેચમાં એક અમ્પાયરના નવા લૂકે સોશિયલ મીડિયામાં ઘણી ચર્ચા જગાડી.
હૈદરાબાદે ટોસ જીત્યા બાદ અમ્પાયર મેદાનમાં પ્રવેશ્યા, જેમાંના એક અમ્પાયર બિલકુલ મહિલાના અંદાજમાં જોવા મળ્યા. લાંબા વાળ સાથે આ અમ્પાયર મેદાનમાં નજરે પડ્યા, જેમને શરૂઆતમાં બધા મહિલા અમ્પાયર સમજી બેઠા, પરંતુ બાદમાં જાણવા મળ્યું કે એ તો પુરુષ અમ્પાયર છે અને તેમણે નવો લૂક ધારણ કર્યો છે. મેચ દરમિયાન યુઝર્સ આ અમ્પાયરને સોશિયલ મીડિયામાં ટ્રોલ કરવા લાગ્યા. એ અમ્પાયરનું નામ છે-પશ્ચિમ પાઠક છે.
Umpire Pashchim Pathak likes some contemporary and a bit of a throwback.
અમ્પાયર પશ્ચિમ પાઠકના લાંબા વાળ ઉપરાંત અમ્પાયરિંગ કરતી વખતે તેમના ઊભા રહેવાની પણ સોશિયલ મીડિયામાં જોરદાર ચર્ચા થઈ રહી છે. સોશિયલ મીડિયા પર એક યુઝરે ટ્વિટ કર્યું, ''પશ્ચિમ પાઠક, જેમણે અમ્પાયરિંગ કર્યું એ ધોનીથી પ્રેરિત હોય તેવું લાગે છે.'' એક અન્ય યુઝરે લખ્યું, ''પશ્ચિમ પાઠક રોકસ્ટાર છે. તેમને જોઈને એવું લાગે છે કે એમનું અસલી કામ રોકસ્ટારનું છે.''
ઉલ્લેખનીય છે કે પશ્ચિમ પાઠક ભારતના ઘરેલુ ક્રિકેટમાં અમ્પાયરિંગ કરી ચૂક્યા છે. વિજય હઝારે ટ્રોફીમાં પશ્ચિમ પાઠકે હેલ્મેટ પહેરીને અમ્પાયરિંગ કર્યું હતું, જેની ખૂબ ચર્ચા થઈ હતી.