એન અંબિકાના લગ્ન તમિલનાડુના ડિંડીગુલ ગામના એક પોલીસ કોન્સ્ટેબલની સાથે થયા છે અને હવે તેઓ મુંબઈના જોન 4માં ડીસીપી પદે કાર્યરત છે.
એન. અંબિકા છે આઇપીએસ અધિકારી
પ્રેરણાત્મક રહી છે તેમની જીવનગાથા
મુંબઈના લેડી સિંઘમના નામે મશહૂર છે એન. અંબિકા
અમુક લોકો મિસાલ બનીને ઘણા લોકોની જિંદગીને રોશન કરવાનું કામ કરતા હોય છે. આઈપીએસ અધિકારી એન. અંબિકા એક એવું જ વ્યકતિત્વ છે, આ મહિલા અધિકારીનું જીવન આજના નૌયુવાનો માટે એક પ્રેરણાસ્ત્રોત છે, જે શીખવી રહ્યું છે કે જીવનનો રસ્તો તો સંકટો અને મુસીબતોથી ભરેલો છે, પરંતુ જો તમારે આગળ વધવું છે અને સફળ થવું છે તો દરેક મુશ્કેલીઓને ઝીલીને પડકાર આપીને તેની આંખમાં આંખ નાખીને તેને ઠોકર મારતા શીખો.
પોલીસ કોન્સ્ટેબલ સાથે કર્યા લગ્ન
એન અંબિકાના લગ્ન તમિલનાડુના ડિંડીગુલ ગામના એક પોલીસ કોન્સ્ટેબલની સાથે થયા છે અને હવે તેઓ મુંબઈના જોન 4માં ડીસીપી પદે કાર્યરત છે, તેની સફળતાની ગાથા ભલભલાને રડાવી પણ દેશે અને પ્રેરણા પણ ભરપૂર આપશે.
કોણ છે આઇપીએસ એન. અંબિકા?
14 વર્ષની ઉંમરમાં જ એન. અંબિકાના લગ્ન થઇ ગયા હતા, અને 18 વર્ષની ઉંમરમાં તે બે બાળકોની માતા પણ બની ગઈ હતી. તેના પતિ પોલીસ કોન્સ્ટેબલ હતા અને તેને લઈને એક દિવસ ગણતંત્ર દિવસની પરેડમાં ગયા હતા, જ્યાં તેણે તેના પતિને અમુક પોલીસ અધિકારીઓને સેલ્યુટ મારતા જોયા ત્યારે તેણે તેના પતિને પૂછ્યું હતું કે તેઓ આવું કેમ કરી રહયા છે?
પતિના જવાબથી મેળવ્યું સપનાનું સાહસ
તેના પતિએ કહ્યું કે આ લોકો તેનાથી ઊંચી રેન્કના અધિકારીઓ છે અને આઇપીએસ ઓફિસર છે, અને આ અધિકારી બનવા માટે યુપીએસસી પરીક્ષા દેવી પડે છે, ત્યારે તેણે આ પરીક્ષામાં બેસવાનું નક્કી કર્યું હતું?
કઈ રીતે મેળવી સફળતા?
અંબિકાનું શાળા-શિક્ષણ અધૂરું રહી ગયું હતું, જો કે તેનું મનોબળ અડગ હતું, એટલે તેણે પ્રાઇવેટ કોચિંગથી 10માંની પરીક્ષા પાસ કરી અને ડિસ્ટન્સ લર્નિંગથી ગ્રેજ્યુએશન પૂરું કર્યું. જેના પછી આગળની સફર શરુ કરી હતી.
પતિએ આપ્યો સાથ
ડિંડીગુલમાં જો કે કોઈ કોચિંગ સેન્ટર નહોતું, એટલે ચેન્નાઈમાં રહીને સિવિલ સર્વિસની તૈયારી કરવાનું શરુ કરી દીધું હતું, આ નિર્ણયમાં તેના પતિએ તેનો સાથ આપ્યો, જ્યારે અંબિકા ચેન્નાઈમાં રહીને તેની તૈયારી કરી રહી હતી, ત્યારે તેના પતિ જ બંને બાળકોની દેખભાળ કરી રહ્યા હતા, જે આસાન નહોતું.
ત્રણ વાર ફેલ, પણ આખરે મુકામ સર કર્યું
અંબિકા, જો કે ત્રણ વાર યુપીએસસી પરીક્ષામાં ફેલ થઈ હતી,અ પરંતુ તેણે હાર ન માની, અને આખરે તો કહવાય છે ને કે નસીબ પણ હિંમત વાળાનો એક વાર તો સાથ આપે જ છે, અને અહીં અંબિકાએ એક આખરી કોશિશ કરવાનું નક્કી કર્યું હતું, અને અ કોશિશ સફળ રહી, 2008માં પરીક્ષા પાસ કરીને તે આઇપીએસ અધિકારી બની ગઈ, જેના પછી પહેલું પોસ્ટિંગ મહારાષ્ટ્રમાં મળ્યું, અને હાલમાંમ તેઓ મુંબઈ ઝોન 4માં ડીસીપી પદે કાર્યરત છે અને મુંબઈના લેડી સિંઘમ કહેવાય છે.