કેન્દ્રીય મંત્રી સંજીવ બાલિયાને પોતાનો કાફલો રોકી રસ્તા પર ઈજાગ્રસ્ત સ્થિતિમાં પડેલા યુવકને હોસ્પિટલ પહોંચાડ્યો. આ વીડિયો થયો વાયરલ.
કેન્દ્રીય મંત્રી સંજીવ બાલિયાને પોતાનો કાફલો રોકી યુવકની મદદ કરી
યુવકને હોસ્પિટલ પહોંચાડ્યો પણ તે મૃત્યુ પામ્યો
સીસીટીવીના આધારે અક્સમાત સર્જનારની શોધ ચાલુ
કેન્દ્રીય મંત્રી સંજીવ બાલિયાને પોતાનો કાફલો રોકી યુવકની મદદ કરી
ઉત્તર પ્રદેશના મેરઠમાં રસ્તાના કિનારે ઈજાગ્રસ્ત હાલતમાં પડેલા એક વ્યક્તિને જોઈ કેન્દ્રીય મંત્રી સંજીવ બાલિયાને પોતાનો કાફલો રોકી દીધો. કેન્દ્રીય મંત્રી સંજીવ બાલિયાન પોતાની ગાડીમાંથી ઉતર્યા અને રસ્તા કિનારે પડેલા શખ્સની પાસે પહોંચીને તેને હોસ્પિટલ પહોંચાડ્યો હતા. બેભાન હાલતમાં પડેલા આ વ્યક્તિની પાસે મદદ માટે પહોંચ્યા મંત્રી સંજીવ બાલિયાનનો વીડિયો સોશિયલ મીડિયામાં વાયરલ થઈ રહ્યો છે.
યુવકે હોસ્પિટલ પહોંચાડ્યો પણ તે મૃત્યુ પામ્યો
મુજફ્ફરાનગરમાં હાજર મંત્રીએ ફોન પર આ વાયરલ વીડિયોને લઈને કહ્યુ કે મેરઠના વેસ્ટર્ન યુપી ટોલ પ્લાઝાની પાસે એક વ્યક્તિ રસ્તાના કિનારે બેભાન હાલતમાં પડ્યો હતો. એમ્બ્યુલન્સ બોલાવીને આ વ્યક્તિને તાત્કાલીક હોસ્પિટલ પહોંચાડવામાં આવ્યો છે. મનાઈ રહ્યુ છે કે આ વ્યક્તિને મેરઠ મેડિકલ કોલેજ લઈ જવામાં આવ્યો છે. જો કે આ વ્યક્તિએ સારવાર દરમિયાન શ્વાસ છોડી દીધા હતા.
એક કાર હાઈવે પરથી પસાર થઈ રહેલા એક રાહદારીને ટક્કર મારી હતી
મનાઈ રહ્યુ છે કે મેરઠના મોદીપુરમમાં નેશનલ હાઈવે 58 પર એક કાર હાઈવે પરથી પસાર થઈ રહેલા એક રાહદારીને ટક્કર મારી હતી જેના કારણે રાહદારી તડફી રહ્યો હતો. પરંતુ કોઈએ તેની મદદ નહોતી કરી. આ દરમિયાન ત્યાંથી પસાર થઈ રહેલા કેન્દ્રીય મંત્રી ડો. સંજીવ બાલિયાને યુવકને એમ્બ્યુલન્સના માઘ્યમથી હોસ્પિટલ પહોંચાડ્યો હતો. પરંતુ તેને સારવાર દરમિયાન જીવ ગુમાવ્યો હતો.
સીસીટીવીના આધારે અક્સમાત સર્જનારની શોધ ચાલુ
મોદીપુરમ નિવાસી સુભાળ (45) પુત્ર શ્યામ સિંહ હાઈવે પાર કરી રહ્યો હતો. આ દરમિયાન કારે તેને ટક્કર મારી હતી. જેમાં તે ગંભીર ઈજાગ્રસ્ત થયો હતો. આ દરમિયાન ડો. સંજીવનો કાફલો ત્યાંથી પસાર થયો હતો. તેમણે યુવકને જોઈ ટોલ સુરક્ષા અધિકારી મનિંદર વિહાનને ફોન કર્યો હતો અને એમ્બ્યુલન્સ બોલાવી તેને ખાનગી હોસ્પિટલ દાખલ કર્યો. યુવકનું મોત થતા તેને પોસ્ટમોર્ટમ માટે મોકલી દેવાયો છે. સીસીટીવીના આધારે અકસ્માત કરનારાની શોધ ચાલુ છે.