બાળકનાં જન્મતાંની સાથે જ તેનાં સગ્ગાં પિતાએ બાળકને 82000 રૂપિયામાં વેંચી દીધો. આ ઘટનાની વાત ફેલાતાં મેડિકલ કોલેજમાં હોબાળો શરૂ થઇ ગયો. બાળકની માતાનાં કહેવા અનુસાર બધું યોગ્યરીતે થઇ ગયું હતું પરંતુ આ હોબાળાનાં લીધે બધાંને ખબર પડી ગઇ! પોલીસે તપાસ હાથ ધરી. જાણો સમગ્ર મામલો
પૈસા માટે પિતાએ પોતાના સગ્ગા પુત્રને વેંચ્યો
માતાની પણ આ બાબતમાં હતી સહમતિ
નવજાત શીશુ માટે થયો 1 લાખનો સોદો
મેરઠ: ઉત્તરપ્રદેશમાં એક મહિલાની ડિલીવરી થયાંની સાથે જ પોતાના નવજાત બાળકને 82000 હજારમાં વેંચનાર પિતા હાલમાં પોલીસ કસ્ટડીમાં છે પરંતુ પોલીસ પણ કન્ફ્યૂઝ છે કે આ કેસમાં શું કરવું જોઇએ કારણકે બંને પાર્ટી અર્થાત બાળક વેંચનારા અને ખરીદનારા બંને આ બાબતથી સહમત છે. મેડિકલ કોલેજમાંથી બાળક ચોરી થઇ જતાં આરોપી પિતાની પોલ ખૂલી ગઇ હતી. માહિતી અનુસાર ડિલીવરીથી પહેલાં જ ઓન ડિમાન્ડ આ સોદો કરવામાં આવ્યો હતો.
મેડિકલ કોલેજની છે આ ઘટના
જાણકારી અનુસાર આ હદયકંપી ઘટના મેરઠનાં થાણા મેડિકલ ક્ષેત્રનાં લાલા લજપત રાય મેડિકલ કોલેજની છે. જ્યાં બાળકોનાં વોર્ડમાં મહિલાને રાખવામાં આવ્યું હતું. મોડી રાત્રે મહિલાની ડિલિવરી થઇ જેના થોડાં જ કલાકોમાં નશેડી પિતા બાળકને લઇ જઇ એક દંપતિને સોંપી દીધું હતું. બાળકનાં બદલામાં લગભગ 1 લાખ જેટલી રકમ વસૂલવામાં આવી હતી. રકમ લીધાં બાદ તરત જ કેટલાક પૈસા ખર્ચ કરી દીધાં હતાં. થોડી જ વારમાં બાળક ચોરી હોવાની વાત મેડિકલ કોલેજમાં ફેલાતાં હોબાળો થયો અને પોલીસે નશેડી પિતાને 82000 રૂપિયાની રકમ સાથે હોસ્પિટલથી પકડ્યો.
પહેલાંથી જ થઇ ગઇ હતી ડીલ!
બાળકને જન્મ આપનારી માતાએ કહ્યું કે પહેલાં જ ઓન ડિમાન્ડ સોદો થઇ ગયો હતો. શરત એ હતી કે છોકરો થશે તો બાળકની અવેજીમાં 1 લાખ રૂપિયા આપવા પડશે. આ સોદામાં નશેડી પિતાની સાથે માતાની પણ સહમતિ હતી.
માતાએ આપી આ માહિતી
બાળકની માતાએ કહ્યું કે બાળક જ્યારે ગર્ભમાં હતું ત્યારથી જ આ ડીલ થઇ ગઇ હતી. બાળકની ડીલ થઇ જ ગઇ હતી અને મેડિકલ કોલેજમાં બાળકનાં ચોરીની માહિતી મળતાં હોબાળો મચી ગયો હતો. જેના બાદ પોલીસ સ્થળ પર આવી પહોંચી અને પિતાની ધરપકડ કરી. જો કે પોલીસ હાલમાં કન્ફ્યુઝ છે કે ઘટના પર કઇ કલમો લગાવીને કેસ નોંધવો કારણકે અહીં બંને પક્ષો બાળક વેંચનાર અને ખરીદનાર બંને સહમતિ ધરાવે છે.