નિવેદન / એક બાજુ ભાજપના મંત્રીએ કહ્યું ખેડૂતો 'મવાલી' છે, બીજી બાજુ કૃષિમંત્રીએ મળવાનું આમંત્રણ આપ્યું

• ખેડૂતો માત્ર દલાલોની મદદ કરી રહ્યા છે
• ખેડૂતો પર કરી વિવાદીત ટીપ્પણી
• આંદોલન કરી રહેલા ખેડૂતો મવાલી છે

ખેડૂતો માત્ર દલાલોની મદદ કરી રહ્યા છે
ખેડૂતોના વિરોધ પ્રદર્શન વચ્ચે કૃષિ મંત્રી નરેન્દ્ર સિંહ તોમરે ફરી વાતચીત કરીને સમાધાન કરવાની તૈયારી દર્શાવી હતી, તેમણે કહ્યું કે સરકાર ખેડૂતો સાથે વાત કરવા માટે તૈયાર છે. બીજી બાજુ રાજ્યમંત્રી મીનાક્ષી લેખીએ ખેડૂતો પર ટિપ્પણી કરતાં કહ્યું છે કે જે આંદોલન કરી રહ્યા છે તે ખેડૂતો નથી, મવાલી છે. તેમના તરફથી કહેવામાં આવ્યું કે ખેડૂતો માત્ર દલાલોની મદદ કરી રહ્યા છે. 

ખેડૂતો પર કરી વિવાદીત ટીપ્પણી
ત્રણ કૃષિ કાયદાનો વિરોધ કરી રહેલા આંદોલનકારી ખેડૂતોને લઈ વિવાદીત નિવેદન મીનાક્ષી લેખી દ્વારા આપવામાં આવ્યું છે. વિદેશ રાજ્ય મંત્રી મિનાક્ષી લેખીએ ખેડૂતો પર કરી વિવાદીત ટીપ્પણી કરીને ફરી આ વિવાદને વધુ ઉગ્ર બનાવી દીધો છે.

આંદોલન કરી રહેલા ખેડૂતો મવાલી છે
મિનાક્ષી લેખીએ કહ્યું કે "જે વિરોધ પર બેઠા છે તેઓ ખરેખર ખેડૂતો નથી, આંદોલન કરી રહેલા ખેડૂતો મવાલી છે." વધુમાં તેમણે કહ્યું રાજનીતિક એજન્ડાથી ચલાવવામાં આવી રહ્યું છે ખેડૂત આંદોલન, પ્રદર્શનની આડમાં કેટલાક દલાલોની મદદ કરવામાં આવી રહી છે" વિદેશ રાજ્યમંત્રી મિનાક્ષી લેખીના નિવેદનનો ચારે બાજુ વિરોધ થઈ રહ્યો છે બીજી તરફ કૃષિ મંત્રી નરેન્દ્રસિંહ તોમર કહી રહ્યા છે કે અમે ખેડૂતો સાથે વાતચીત માટે તૈયાર છીએ.