કચ્છમાં એક સાથે 50 જેટલા MBBSના વિદ્યાર્થીઓ બીમાર પડી જતાં દોડધામ મચી, અદાણી સંચાલિત ભુજ જી.કે જનરલ હોસ્પિટલમાં 50 જેટલા તબીબી વિદ્યાર્થીઓ બીમાર પડી ગયા હતા
ભુજ મેડિકલ કોલેજના વિદ્યાર્થી બિમાર પડ્યાં
દૂષિત પાણી પાવીથી વિદ્યાર્થીઓની લથડી તબિયત
અદાણી સંચાલિત છે મેડિકલ કોલેજ
અદાણી સંચાલિત ભુજ જી.કે. જનરલ હોસ્પિટલમાં મેડિકલ કૉલેજના વિદ્યાર્થીઓની તબિયત લથડી છે. હોસ્ટેલમાં દૂષિત પાણીનું વિતરણ થતાં MBBSના 50 જેટલાં વિદ્યાર્થીઓની તબિયત લથડતા દોડધામ મચી છે. વિદ્યાર્થીઓનો આરોપ છે કે હોસ્ટેલમાં અપાતા દૂષિત પાણી અંગે અમે અનકે રજૂઆત કરી હતી એટલું જ નહીં આ અંગેનો વીડિયો પણ વાયરલ કર્યો હતો. પરંતુ તંત્ર દ્વારા કોઇ ધ્યાન આપવામાં આવ્યું નથી. હોસ્ટેલમાં લાંબા સમયથી દૂષિત પાણી વિતરીત થતું હોવાથી વિદ્યાર્થીઓ બીમાર પડ્યાં છે.
વિદ્યાર્થીઓના વિરોધ વચ્ચે દૂષિત પાણીનો પુરવઠો બંધ કરાઈ ટેન્કરથી પાણી વિતરણ શરૂ કરાયું છે. પાણીના ટેન્કર આગળ પડેલી અગણિત ડોલની તસવીર એક વિદ્યાર્થીએ ટ્વીટ કરી લખ્યું છે કે ‘આ કોઈ ઝુંપડપટ્ટીની તસવીર છે? ના, આ ગેઈમ્સની તસવીર છે. મને ખબર નથી કે અમારે આખો દિવસ આ રીતે પાણી મેળવવાનું છે કે ભણવાનું છે?’ દૂષિત પાણી વિતરણ અંગે છાત્રોએ શનિવારે એડમીન બ્લોક આગળ વિરોધ પણ વ્યક્ત કર્યો હતો.છતાં કોઇ કાર્યવાહી કરાઇ નથી.