કોરોનાના કહેર વચ્ચે રાજકોટમાં માસ્કનો કાળો કારોબાર થઈ રહ્યો છે. માહિતી મળતાં કલેકટરના આદેશ બાદ પુરવઠા વિભાગના દરોડા પાડતાં 3 મેડિકલ સ્ટોરમાંથી 2700 જેટલા માસ્કનો જથ્થો ઝડપાયો હતો. મેડિકલ સ્ટોરમાં 100 રૂપિયાના માસ્ક 400 રૂપિયામાં વેચાતા હતા. મળી આવેલો માસ્કનો જથ્થો સીઝ કરાયો છે.
લોકો કોરોનાથી ભલે મરતા!
રાજકોટમાં થઈ રહ્યો છે માસ્કનો કાળો કારોબાર
મહામારી સમયે પણ લોકોને પોતાના ધંધાની પડી છે
કોરોનાના કહેર વચ્ચે જ્યારે કેટલીક કંપનીઓ અને ગ્રૂપ પોતાની સેવા સ્વેચ્છાએ આપીને લોકોને મદદ કરવાની તૈયારી કરી રહ્યા છે ત્યારે અન્ય તરફ માણસાઈને લજવતી આ ઘટના સામે આવી છે. રાજકોટમાં વેપારીઓએ 2700 જેટલા માસ્કનો જથ્થો એકઠો કર્યો હતો અને તેને લોકોની જરૂરિયાતના કારણે સરકારે નક્કી કરેલા ભાવથી પણ ચાર ગણી કિંમતે વેચી રહ્યા હતા. આ તમામ જથ્થાને હાલમાં સીઝ કરીને વેપારીઓ પર કાર્યવાહીની માગ કરવામાં આવી છે.
સરકારે આ આદેશ કર્યો છે જાહેર
हैंड सेनिटाइजर की 200 ML बोतल की खुदरा कीमत 100 रु. से अधिक नहीं होगी। अन्य आकार की बोतलों की कीमत भी इसी अनुपात में रहेंगी। ये कीमतें 30 जून 2020 तक पूरे देश में लागू रहेंगी। 3/3@drharshvardhan@narendramodi#IndiaFightsCorona
દેશમાં કોરોનાનો કહેર સતત વધી રહ્યો છે ત્યારે માર્કેટમાં હેન્ડ સેનિટાઈઝર અને માસ્કની માગ વધી રહી છે. અનેક જગ્યાઓએ વેપારીઓ મનમાંગી કિંમત વસૂલી રહ્યા છે જેના કારણે જનતાને મુશ્કેલી પડી રહી છે. આ માટે સરકારે ખાસ પગલું લીધું છે અને સાથે નક્કી કિંમત આપી છે. જો કોઈ પણ આ કિંમતથી વધારે રૂપિયા વસૂલે છે તો તેની સામે કાર્યવાહી કરવામાં આવશે તેવા આદેશ પણ જાહેર કર્યા છે. સરકારે 200 મિલિ સેનિટાઈઝરની કિંમત 100 રૂપિયા નક્કી કરી છે અને 1 માસ્કની વધુમાં વધુ કિંમત 10 રૂપિયા રાખી છે. આ આદેશ 30 જૂન 2020 સુધી લાગુ રહેશે.