નિર્ણય / મેડિકલ કોલેજમાં અભ્યાસ કરતા વિદ્યાર્થીઓને લઇને રાહતના સમાચાર, DyCMએ ફી અંગે કરી જાહેરાત

• મેડિકલ સીટમાં કોઈ પ્રકારનો ફી વધારો નહીં થાય: DyCM
• સરકારી મેડિકલ કોલેજોમાં પણ ફી વધારો નહીં થાય: DyCM
• એક વર્ષ પૂરતો રાજ્ય સરકારે નિર્ણય કર્યો છે: DyCM

મેડિકલ ફી મામલે નાયબ મુખ્યમંત્રી નીતિન પટેલે જણાવ્યું હતું કે, ગુજરાતમાં મેડિકલ બેઠકમાં કોઈ પ્રકારનો ફીં વધારો નહી થાય. એક વર્ષ સુધી તમામ પ્રકારના ક્વોટામાં ફી વધારો નહીં થાય. ગયા વર્ષની ફી પ્રમાણે જ ફી ભરવાની રહેશે.

DyCMએ જણાવ્યું હતું કે, 8 મેડિકલ કોલેજોમાં કુલ 1600 સીટો છે. દરેક કોલેજની લગભગ 200 સીટો છે. 1600 પૈકીની 75 ટકા સીટો સરકારી ક્વોટાની છે. સરકારી ક્વોટામાં 75 ટકા સીટ પર 3 લાખ રૂપિયા ફી વસુલાય છે. જ્યારે મેનેજમેન્ટ ક્વોટામાં 8 લાખ 25 હજાર રૂપિયા ફી છે. જ્યારે NRI ક્વોટામાં 20 હજાર ડોલર ફી લેવાય છે. સરકારી મેડિકલ કોલેજોમાં પણ ફી વધારો નહીં થાય. મેરિટના આધારે જ 75 ટકા સીટો ભરવામાં આવશે.

DyCMએ જણાવ્યું હતું કે, આ વર્ષે સરકારી મેડિકલ કોલેજોમાં કોઈ જાતનો ફી વધારો કરવામાં નહીં થાય. આ સિવાય ખાનગી મેડિકલ કોલેજો અને મ્યુનિસિપલ કોલેજો જે ચલાવે છે તે નિર્ધારિત કરવાની જવાબદારી તેમની રહેશે. જેમાં કોઈ હસ્તક્ષેપ સરકાર નહીં કરે.