અમેરિકન રાષ્ટ્રપતિ ડોનાલ્ડ ટ્રમ્પ પોતાના વિવાદિત નિવેદનના કારણે હંમેશા ચર્ચામાં રહે છે. કોરોના વાયરસ મહામારી વિશે પણ ડોનાલ્ડ ટ્રમ્પના નિવેદનથી વિશ્વભરમાં ચકચાર મચી ગઈ છે. હવે ડોનાલ્ડ ટ્રમ્પે કોરોના વાયરસની બીમારીમાં સારવાર કઈ રીતે કરવી તેના વિશે જાણકારી આપી છે જે બાદ મોટા ભાગનાં તબીબોએ આ વિચારને ખતરનાક ગણાવ્યો છે.
ડોનાલ્ડ ટ્રમ્પે આપેલ આઈડીયાની વિશ્વભરમાં નિંદા
ડોનાલ્ડ ટ્રમ્પે ફેફસાંમાં ઈન્જેકશન મારીને અસરગ્રસ્ત ભાગ સાફ કરવાની સાલાહ આપી
દુનિયાના નિષ્ણાત તબીબોએ આ વિચારને જીવલેણ અને ગાંડપણ ગણાવ્યું
રાષ્ટ્રપતિ ટ્રમ્પનો નવો આઈડિયા
કોરોના વાયરસના સંકટ વચ્ચે પોતાના નિવેદનથી ચર્ચામાં રહેતા ડોનાલ્ડ ટ્રમ્પ ફરીથી વિવાદોમાં આવ્યા છે. કોરોના સંક્રમિત દર્દીઓની સારવાર માટે રાષ્ટ્રપતિએ નવી થીયરી જાહેર કરી છે. ટ્રમ્પનું કહેવું છે કે કોરોના વાયરસથી સંક્રમિત દર્દીઓના ફેફસાંમાં સૌથી વધુ નુકસાન થાય છે એવામાં ઈન્જેકશનની મદદથી આ ફેફસાંઓને સાફ કરી દેવામાં આવે તો સારવાર થઇ શકે છે.
શું કહ્યું હતું ટ્રમ્પે
દૈનિક પ્રેસ વાર્તા દરમિયાન ડોનાલ્ડ ટ્રમ્પે આ નિવેદન આપ્યું હતું. વિવિધ તાપ્માના અને મોસમમાં કોરોના વાયરસની પરિસ્થિતિ પર બોલતા બોલતા ડોનાલ્ડ ટ્રમ્પે અચાનક જ કહ્યું કે 'મેં જોયું છે કે કઈ રીતે હાલમાં ફેફસાંનાં અસરગ્રસ્ત ભાગને સાફ કરી દેવામાં આવ્યો. આપણે એવું કંઈક કરી શકીએ કે ફેફસાંની અંદર ઈન્જેકશન લગાવી દઈએ જેથી અંદરનું બધું જ ઈન્ફેકશન ક્લિન થઇ જાય. આ ક્લિનિંગ હેવું કંઇક હોઈ શકે. કારણ કે કોરોના વાયરસ ફેફ્સા પર સૌથી વધારે અસર કરે છે તેના કારણે જ સૌથી વધારે મોત પણ થઇ છે. તબીબોએ આ સલાહ વિશે કંઇક વિચારવું જોઈએ. આપણે આ વિશે તપાસ કરવી જોઈએ, આ વિચાર ખૂબ સારો લાગી રહ્યો છે. '
તબીબોએ આ વિચારને વખોડી કાઢ્યો
રાષ્ટ્રપતિ ટ્રમ્પના આ નિવેદન બાદ ઘણા બધા નિષ્ણાત તબીબો ભડકી ઉઠ્યા હતા.યૂનિવર્સિટી ઓફ કેલીફોર્નીયાનાં પ્રોફેસર રોબર્ટ રાઈખે કહ્યું ટ્રમ્પ જે ખોટી માહિતીઓ આપી રહ્યા છે તેના કારણે સામાન્ય લોકોના જીવનમાં ખતરનાક પરિણામ આવી શકે છે. તથા તેમણે કહ્યું એ તેઓ આ પ્રોપેગેન્ડાને વખોડી કાઢે છે. કૃપા કરીને ડોકટર અને નિષ્ણાતોની વાત માનો, ફેફ્સાને સાફ કરવા માટે આ કરવાની જરૂર નથી. ઓફીસ ઓફ ગવર્મેન્ટ એથિક્સનાં પૂર્વ ડિરેક્ટર મને વિશ્વાસથી આવતો કે 2020માં મારે લોકોને ચેતવણી આપવી પડે છે કે આ પ્રકારે સારવારથી વ્યક્તિનું મોત થઇ શકે છે.
સોશિયલ મીડિયામાં નિંદા
નોંધનીય છે કે ટ્રમ્પના આ નિવેદન બાદ સોશિયલ મીડિયામાં તેમની ખૂબ ઠેકડી ઉડાવવામાં આવી રહી છે. લોકો કહી રહ્યા છે કે અમેરિકામાં શું આ બધી થીયરીના આધારે જ કામ કરવામાં અવી રહ્યું છે. તથા ડોનાલ્ડ ટ્રમ્પના આ નિવેદન પર વિવિધ મીમ બની રહ્યા છે. ટ્વીટર પર લોકો સવાલ કરી રહ્યા છે કે જો ટ્રમ્પની વાતોમાં આવીને કંઈ પગલું ભરી લે અને તે વ્યક્તિનું મોત થાય તો તેના માટે જવાબદાર કોણ ?