હવે રજિસ્ટ્રેશન વિના કોઈ પણ સ્ટોર કોન્ડોમ, થર્મોમીટર, ફેસ માસ્ક, કેથેટર જેવા મેડિકલ ઉપકરણો વેચી શકશે નહીં. જાણો શું લાગ્યા નવા નિયમો.
કોઇપણ સ્ટોર હવે રજિસ્ટ્રેશન વિના કોન્ડોમ નહી વેચી શકે
એ અને બી કેટેગરીના મેડિકલ ઉપકરણોનું વેચાણ માટે રજિસ્ટ્રેશન ફરજીયાત
કેન્દ્ર કે રાજ્ય કક્ષાની લાઇસન્સિંગ ઓથોરિટીમાં રજિસ્ટ્રેશન કરાવવું પડશે
હવે રજિસ્ટ્રેશન વિના કોઈ પણ સ્ટોર કોન્ડોમ, થર્મોમીટર, ફેસ માસ્ક, કેથેટર જેવા મેડિકલ ઉપકરણો વેચી શકશે નહીં. વેચાણ માટે ઉત્પાદકો અને આયાતકારોએ કેન્દ્ર કે રાજ્ય કક્ષાની લાઇસન્સિંગ ઓથોરિટીમાં રજિસ્ટ્રેશન કરાવવું પડશે. નવા નિયમ દ્વારા એ અને બી કેટેગરીના મેડિકલ ઉપકરણોનું ટ્રેકિંગ કરી શકાશે. અને કોઈ ગડબડીના સમયે તેમને રિકોલ કરવાનું સરળ બનશે. તેમજ સેલ્સ સ્ટોર પર સ્ટોરેજથી લઈને લાઈટીંગ વગેરેના ધોરણોનું પાલન કરવાનું રહેશે. ગ્રાહકોને આ પગલાનો સીધો લાભ મળશે.
નવો નિયમ 1 ઓક્ટોબરથી અમલમાં આવ્યા
આરોગ્ય અને પરિવાર કલ્યાણ મંત્રાલય દ્વારા બહાર પાડવામાં આવેલા નોટિફિકેશન અનુસાર હવે A અને B કેટેગરીના મેડિકલ ડિવાઇસનું ઉત્પાદન અને આયાત કરતા વેપારીઓએ રજિસ્ટ્રેશન કરાવવું પડશે. એટલે કે, જો કોઈ વ્યક્તિ એ અને બી કેટેગરીના તબીબી ઉપકરણો ઉત્પાદન કરે છે, અથવા તેને બીજા દેશમાંથી આયાત કરીને વેચે છે. ત્યારે તેણે કેન્દ્ર અથવા રાજ્ય કક્ષાની લાઇસન્સિંગ ઓથોરિટીમાં નોંધણી કરાવવી પડશે. આના વિના, તે ન તો આ તબીબી ઉપકરણોનું ઉત્પાદન કરી શકશે કે ન તો આયાત કરી શકશે. નવા નિયમો 1 ઓક્ટોબર, 2022 થી અમલમાં આવ્યા છે.
ગ્રાહકોને શું થશે ફાયદો
રજિસ્ટ્રેશનના કારણે આ મેડિકલ ડિવાઇસને ટ્રેક કરવામાં સરળતા રહેશે. આવી સ્થિતિમાં, કોઈપણ ફરિયાદ સમયે, તેમની ટ્રેકિંગ સરળ રહેશે. જો કોઇ ડિવાઇસને રિકોલ કરવામાં આવે તો ગ્રાહકોને પણ તેનો ફાયદો મળશે. અને ખામીયુક્ત ઉત્પાદનને બદલવાની તક મળશે. આ ઉપરાંત સેલ્સ સ્ટોર પર આવી પ્રોડક્ટ્સ માટે એક નિશ્ચિત જગ્યા હોવી જરૂરી રહેશે. આ ઉપરાંત લાઈટ વગેરે જેવી અન્ય જરૂરી સુવિધાઓ પણ હોવી જરૂરી રહેશે. તેમજ સ્ટોર પર ટેક્નિકલ સ્ટાફ વેચાણ કરતો હોય તે જરૂરી બનશે. આ માટે વ્યક્તિએ ફાર્માસિસ્ટ અથવા ગ્રેજ્યુએશનની ડિગ્રી અથવા ઇન્ટરમીડિયેટ પાસનું રજિસ્ટ્રેશન તેમજ એક વર્ષ માટે મેડિકલ ડિવાઇસ વેચવાનો અનુભવ હોવો જરૂરી છે.
A અને B કેટેગરીના તબીબી ઉપકરણો શું છે?
તબીબી ઉપકરણોને તેમના જોખમના આધારે ચાર કેટેગરીમાં મૂકવામાં આવ્યા છે. આમાં એ અને બી કેટેગરીના મેડિકલ ડિવાઇસ લો અને લાઇટ રિસ્ક કેટેગરીમાં આવે છે. ભારતમાં તેમાં થર્મોમીટર, મેડિકલ સિરીંજ, કેટલાક કેથેટર, કોન્ડોમ, ફેસ માસ્ક જેવા તબીબી ઉપકરણોનો સમાવેશ થાય છે. હવે તે તબીબી ઉપકરણોના વેચાણ માટે નોંધણી ફરજિયાત કરવામાં આવી છે. જેનો સીધો ફાયદો ગ્રાહકોને થશે.