વિવાદ / હવેથી પાકિસ્તાનમાં સેના અને સરકાર વિરુધ્ધ નહીં બોલી શકે મીડિયા, નિર્ણય બાદ જ થયો મોટો હોબાળો

• પાકિસ્તાનની ઈમરાનખાન સરકારે મીડિયાને લઈ નવા નિયમ પ્રસ્તુત કર્યા
• મીડિયા પર નિયંત્રણ લાવવાના પ્રયત્નો
• ઓથોરીટીમાં કુલ 11 સભ્યો હશે અને એક ચેરપર્સન

પાકિસ્તાનની ઈમરાનખાન સરકારે મીડિયાને લઈ નવા નિયમ પ્રસ્તુત કર્યા
પાકિસ્તાનની ઈમરાનખાન સરકારે મીડિયાને લઈ નવા નિયમ પ્રસ્તુત કર્યા હતા, જેના કારણે પાકિસ્તાનમાં મોટો હોબાળો થયો હતો. પાકિસ્તાનના વિપક્ષી દળ પાકિસ્તાન પીપલ્સ પાર્ટી અને પાકિસ્તાન મુસ્લિમ લીગ નવાઝે એક નવા કાયદાને મંજૂરી આપતા કહ્યું કે હવેથી અભિવ્યક્તિની આઝાદી પર રોક લગાડવામાં આવી રહી છે. ઈમરાન ખાનની સરકાર પાકિસ્તાન મીડિયા ડેવલોપમેન્ટ પર નિયમ લાવવા માંગે છે, જેને લઈ મોટો વિવાદ ઉભો થઈ ગયો છે. PMLN ની પ્રવક્તા મરિયમ ઓરંગઝેબે કહ્યું કે આ મીડિયા પર નિયંત્રણ લાવવાના પ્રયત્નો છે. આના દ્વારા સરકાર મીડિયા સંસ્થાઓને પોતાનું મુખપૃષ્ઠ બનાવવા માંગે છે અથવા તો મીડિયા હાઉસ બંધ થશે. 

મીડિયા પર નિયંત્રણ લાવવાના પ્રયત્નો
પાકિસ્તાન સરકારે આ નવા નિયમોની સાથે સાથે બીજા જૂના નિયમોમાં પણ ઘણો ફેરફાર કર્યા છે. આ નવા નિયમો મુજબ પ્રિન્ટ મીડિયા, ઇલેક્ટ્રોનિક મીડિયાથી લઈ સોશિયલ મીડિયાના નિયમોમાં ઘણા બધા નવા નિયમો આવશે. પાકિસ્તાન સરકારનું કહેવું છે કે આ નવા નિયમ મુજબ એક નવી ઓથોરીટી બનાવવામાં આવશે. આ નવા નિયમ મુજબ હવે પાકિસ્તાનમાં ન્યૂઝપેપર અને ડિજિટલ મીડિયાનું સંચાલન કરવા માટે હવે ઇલેક્ટ્રોનિક મીડિયાની જેમ લાઇસન્સની જરૂર પડશે. આ સાથે નવા નિયમોમાં નેટફલિકસ, એમેઝોન પ્રાઇમ, યુટ્યુબ, જેવા OTT પ્લેટ્ફોર્મસને આવરી લેવામાં આવ્યા છે.
 

ઓથોરીટીમાં કુલ 11 સભ્યો હશે અને એક ચેરપર્સન
ઓથોરીટીમાં કુલ 11 સભ્યો હશે અને એક ચેરપર્સન પણ હશે. જેમની નિયુક્તિ સરકારની સલાહ મુજબ રાષ્ટ્રપતિ દ્વારા કરવામાં આવશે. પણ હોબાળો આ બધી વાતોને લઈ નથી થયો. હોબાળો એ વાતને લઈન થયો છે કે મીડિયા પર કોઈ સરકાર કે સેનાનો અંકુશ ના હોવો જોઈએ.