મહારાષ્ટ્રમાં શિવસેનાને ઝટકા પર ઝટકા લાગી રહ્યા છે. આ બાજૂ ફ્લોર ટેસ્ટમાં શિંદે જૂથ પાસ થયું છે, તો વળી બીજી બાજૂ શિવસેનાના નેતા સંજય રાઉતની મુશ્કેલીઓ વધી રહી છે.
મહારાષ્ટ્રમાં શિવસેનાના લાગ્યા મોટા ઝટકા
ફ્લોર ટેસ્ટમાં ફેલ થઈ ગઈ શિવસેના
સંજય રાઉતની પડતી શરૂ, આ કેસમાં કોર્ટે વોરંટ ઈશ્યૂ કર્યું
ભાજપ નેતા કિરીટ સોમૈયાની પત્ની મેઘા સોમૈયા દ્વારા દાખલ કરવામા આવેલી માનહાની અરજીના સંબંધમાં મુંબઈની એક કોર્ટે શિવસેનાના સાંસદ સંજય રાઉત વિરુદ્ધ જામીન પાત્ર વોરંટ ઈશ્યુ કર્યું છે.આ અગાઉ મેટ્રોપોલિટન મજિસ્ટ્રેટ કોર્ટના જજ પીઆઈ મોખાશીએ 10 જૂનના રોજ મેઘા સોમૈયાની અરજી પર સુનાવણી કરતા સંજય રાઉતને સીઆરપીસીની કલમ 204 (એ) અંતર્ગત સમન જાહેર કરીને 4 જૂલાઓઈ 2022 સુધી કોર્ટમાં હાજર થવાનો આદેશ આપ્યો હતો.
Mumbai court issues bailable warrant against Shiv Sena MP Sanjay Raut in defamation complaint filed by BJP leader Kirit Somaiya's wife
તેમણે પોતાના આદેશમાં કહ્યું હતું કે, રેકોર્ડ પર રજૂ કરાયેલા દસ્તાવેજ અને વીડિયો ક્લિપ જોતા પ્રથમ દ્રષ્ટિએ જાણવા મળે છે કે, આરોપીએ ફરિયાદકર્તા વિરુદ્ધ 15/04/2022 અને 16/04/2022ના રોજ અપમાનજનક નિવેદનો આપ્યા હતા. જેથી મોટા પાયે જનતા જોઈ શકે અને તેને અખબાર દ્વારા જનતા વાંચી શકે. માનહાનીની સામગ્રી જોતા પ્રથમ દ્રષ્ટિએ તેનો ઉપયોગ કરવામા આવેલા શબ્દોથી મેઘા સોમૈયાની પ્રતિષ્ઠાને ઠેસ પહોંચી છે.
આવો છે આખો મામલો
આપને જણાવી દઈએ કે, શિવસેના નેતાએ મેઘા સોમૈયા પર મીરા ભયંદર વિસ્તારમાં 100 કરોડ રૂપિયાના શૌચાલય કૌભાંડનો આરોપ લગાવ્યો હતો. તેમણે કહ્યું હતું કે, મીરા ભયંદર નગર નિગમ દ્વારા પોતાના અધિકાર ક્ષેત્રમાં શૌચાલય નિર્માણમાં ફાળવવામા આવેલા ફંડ કથિત રીતે મેઘાએ પોતાના બિન સરકારી સંગઠન યુવા પ્રતિષ્ઠાનના માધ્યમથી દુરુપયોગ કર્યો છે. આ આરોપના જવાબમાં મેઘાએ સંજય રાઉતને પોતાનું નિવેદન પાછુ લેવા માટે કહ્યું અને જાહેરમાં માફી માગવા માટે પણ કહ્યું હતું.