રિપોર્ટ / કોરોના મહામારીના કારણે આ જીવલેણ બિમારીનો વધ્યો ખતરો, 23 વર્ષનો તૂટ્યો રેકોર્ડ

વિશ્વ આરોગ્ય સંસ્થા અને સેંટર ફોર ડિઝિઝ કંટ્રોલ દ્વારા ગુરુવારે જારી કરાયેલા એક રિપોર્ટમાં કહ્યું કે 2019માં પુરા વિશ્વમાં ઓરીના સંક્રમિત લોકોની સંખ્યા 869,770 થઇ ગઇ છે. જ્યારે 2016ના આંકડાઓ સાથે સરખામણી કરવામાં આવે તો આ ગંભીર બિમારીથી મૃત્યુ દરના કેસોમાં 50 ટકાનો વધારો થયો છે. 

વિશ્વ આરોગ્ય સંસ્થાના અધિકારીઓના જણાવ્યાં અનુસાર હાલના વર્ષોમાં રસી થવાથી ઓરીના સંક્રમિત લોકોની સંખ્યા સ્થિર થઇ ગઇ, પરંતુ કોરોના વાયરસ સંક્રમણ ફેલાયા પછી ઓરીની રસી રોકાઇ ગઇ. જેના કારણે વિશ્વના અંદાજે 94 ટકા લોકો પર ઓરીના સંક્રમણનો ખતરો મંડરાઇ રહ્યો છે. 

WHOમાં ઓરીના એક વરિષ્ઠ ટેકનિકી અધિકારી નતાશા ક્રાઉક્રોફ્ટના જણાવ્યું કે આ બિમારી એક ચિંગારીની જેમ છે, જે જંગમાં આગની જેમ ફેલાઇ રહી છે. તેમણે જણાવ્યું કે વિશ્વના 73 ટકા ઓરીનું સંક્રમણ 9 દેશમાં છે, જ્યાં આ સંક્રમણનો સૌથી વધારે પ્રકોપ કાંગો, મેડાગાસ્કર, જ્યોર્જિયા, કઝાકિસ્તાન અને યૂક્રેનમાં છે.