રોક / ભારતના આ વિસ્તારમાંથી MBBSની ડીગ્રી લીધી હશે તો પ્રેક્ટિસની મંજૂરી નહીં, MCIનો નવો સર્ક્યુલર

• પીઓજેકેએલ ભારતનું અભિન્ન અંગ
• આ વિસ્તારની કોલેજોએ નથી લીધી મંજૂરી

MCI તરફથી જાહેર કરવામાં આવેલ એક પબ્લિક નોટિસમાં જણાવામાં આવ્યું છે કે જમ્મૂ-કાશ્મીર અને લદ્દાખનો પૂરો સંઘ શાસિત પ્રદેશ ભારતનું અભિન્ન અંગ છે. જેના કેટલાંક ભાગ પર પાકિસ્તાને ગેરકાયદે અને જબરજસ્તીથી કબ્જો કરી લીધો છે.

જેને લઇને પાકિસ્તાન અધિકૃત જમ્મૂ-કાશ્મીર અને લદ્દાખની કોઇપણ મેડિકલ ઇન્સ્ટીટયૂટે IMC એક્ટ, 1956ની હેઠળ મંજૂરી લેવી પડશે. પીઓજેકેલની કોઇપણ મેડિકલ કોલેજને આવી મંજૂરી આપવામાં આવી નથી. 'ઇંડિયન એક્સપ્રેસ'ના એક રિપોર્ટમાં આ અંગેની જાણકારી આપવામાં આવી છે. 

MCIએ પલ્બિક નોટિસમાં લખ્યું છે, જેને ધ્યાનમાં લેતા ગેરકાયદે કબ્જાવાળા આ વિસ્તારમાં મેડિકલ કોલેજથી પ્રાપ્ત ડિગ્રી માન્ય નહી હોય અને એવા લોકોને ભારતમાં રજિસ્ટ્રેશનની મંજૂરી આપવામાં આવશે નહીં.

MCIએ કહ્યું કે પાકિસ્તાનના કબ્જા હેઠળના જમ્મૂ-કાશ્મીર અને લદ્દાખ વિસ્તારમાં કોઇપણ મેડિકલ ઇન્સ્ટીટયૂટને ભારતીય ચિકિત્સા પરિષદ અધિનિયમ, 1956 હેઠળ મંજૂરી અને માન્યતાની જરૂરિયાત છે.