સુપ્રીમ કોર્ટનાં આદેશ બાદ આખરે દિલ્હી મેયરની ચૂંટણીની તારીખ જાહેર...
SCનાં આદેશ બાદ કેજરીવાલે કરી ભલામણ
22 ફેબ્રુઆરીનાં રોજ યોજાશે ચૂંટણી
સવારે 11 વાગ્યે થશે ચૂંટણી
દેશની રાજધાની દિલ્હીમાં મેયર, ડેપ્યુટી મેયર અને સ્ટેન્ડિંગ કમિટીની ચૂંટણી 3 વખત ઠેલાઈ ગઈ છે જેને લઈને મુખ્યમંત્રી કેજરીવાલે કહ્યું હતું કે તેમણે લેફ્ટેનેન્ટ ગવર્નર વી.કે. સક્સેનાને 3 અસફળ પ્રયાસો બાદ 22 ફેબ્રુઆરીનાં મેયર ચૂંટણી યોજવાની ભલામણ કરી હતી. અને હવે આખરે 22 ફેબ્રુઆરીનાં રોજ 11 વાગ્યે MCD સદનમાં ચૂંટણી થવાનું એલાન કરવામાં આવ્યું છે. સુપ્રીમ કોર્ટે શુક્રવારે MCDને 24 કલાકની અંદર ચૂંટણીની નોટિસ જાહેર કરવાનો આદેશ આપ્યો હતો.
Recommended MCD Mayor elections to be held on 22 Feb
ટ્વીટ કરીને CM કેજરીવાલે કરી ભલામણ
કેજરીવાલે આજે ટ્વીટ કરીને કહ્યું કે 'હું 22 ફેબ્રુઆરીનાં MCDની ચૂંટણી કરવાની ભલામણ કરું છું.' શુક્રવારે સુપ્રીમ કોર્ટનાં આદેશ બાદ અરવિંદ કેજરીવાલે પ્રતિક્રિયા આપતાં કહ્યું કે નિર્ણય એ લોકતંત્રતાનો વિજય હતો. તેમણે ટ્વીટ કરતાં લખ્યું કે સુપ્રીમ કોર્ટને ખૂબ ધન્યવાદ. દિલ્હીને હવે 2.5 મહિનાની અંદર જ મેયર મળી જશે. હવે સાબિત થઈ ગયું કે LG અને BJP સાથે મળીને ગેરકાયદેસર અને ગેરબંધારણિય નિર્ણયો દિલ્હીમાં આપે છે.
AAPની બંને માગો પૂરી, કેસ જીત્યો
ચીફ જસ્ટિસએ કહ્યું કે 'અમે આદેશ આપીએ છીએ કે પહેલી બેઠકમાં મેયરની ચૂંટણી થાય. આ ચૂંટણીમાં નામાંકિત સદસ્યો વોટ ન આપે.' તેમણે કહ્યું કે મેયરની અધ્યક્ષતામાં ડેપ્યૂટી મેયર અને બાકીનાં પદો માટે ચૂંટણી કરવી. 24 કલાકની અંદર પહેલી બેઠક માટે નોટિસ આપવી. આ પહેલાં સુનાવણી દરમિયાન ચીફ જસ્ટિસે કહ્યું કે બંધારણનાં અનુચ્છેદ 243Rનાં હિસાબે નામાંકિત સદસ્ય વોટ નહીં આપી શતે. ચૂંટણી વહેલામાં વહેલી તકે થવું જોઈએ. MCDનાં વકીલ એડિશનલ સોલિસીટર જનરલ સંજય જૈને કહ્યું કે એલ્ડર મેન વોટ ન આપી શકે છે.