દિલ્હી મ્યુનિસિપલ કોર્પોરેશન (MCD)ચૂંટણી 2022ની જંગ શરૂ થઈ એ સાથે જ ઓપિનિયન પોલ્સે MCD ચૂંટણીના પરિણામોનું અનુમાન લગાવવાનું પણ શરૂ કરી દીધું છે.
દિલ્હી મ્યુનિસિપલ કોર્પોરેશન (MCD)ચૂંટણી 2022ની જંગ શરૂ
ઓપિનિયન પોલ્સે MCD ચૂંટણીના પરિણામોનું અનુમાન લગાવવાનું શરૂ કરી દીધું
ઓપીનિયન પોલ અનુસાર કોને કેટલી સીટો મળશે?
દિલ્હી નગર નિગમ એટલે કે મ્યુનિસિપલ કોર્પોરેશન (MCD)ચૂંટણી 2022ની જંગ શરૂ થઈ ગઈ છે અને આ સાથે જ તારીખ જાહેર થતાની સાથે જ તમામ પક્ષોએ ચૂંટણીની તૈયારીઓને અંતિમ રૂપ આપવાની તૈયારીમે લાગી ગયા છે. ઓપિનિયન પોલ્સે MCD ચૂંટણીના પરિણામોનું અનુમાન લગાવવાનું શરૂ પણ કરી દીધું છે. જણાવી દઈએ કે ABP-C વોટર ના ઓપીનિયન પોલ MCD માં ભારતીય જનતા પાર્ટી (BJP) માટે સારા સંકેતો આપી રહી છે.ઓપીનિયન પોલ માટેની સર્વેનાપરિણામો સૂચવે છે કે અરવિંદ કેજરીવાલની આમ આદમી પાર્ટી (AAP) અને ભાજપની જોરદાર ટક્કર થશે.
ઓપીનિયન પોલ અનુસાર કોને કેટલી સીટો મળશે?
ABP-CVoterના MCD Election 2022 Opinion Poll અનુસાર ભાજપ 250-વોર્ડ વાળા MCDમાં 118-138 સીટ જીતી શકે છે અને તેની સામે AAPને 104-124 સીટ મળી શકે છે એવું અનુમાન લગાવવામાં આવ્યું છે. જો કે આ સાથે જ કોંગ્રેસનું નિરાશાજનક પ્રદર્શન ચાલુ રહેશે એવું પણ અનુમાન લગાવવામાં આવ્યું છે. કોંગ્રેસને 4 થી 12 સીટ મળી શકે છે અને આ સિવાય અન્યના ખાતામાં 4 સીટો જઈ શકે છે.
BJP અને 'AAP' એ લોન્ચ કર્યા ઇલેક્શન કૈંપેન
દિલ્હી નગર નિગમ(MCD) ચૂંટણીની તૈયારીઓ માટે બધી જ રાજકીય પાર્ટીઓ કામ કરવા લાગી છે અને ઉત્તર-પૂર્વ દિલ્હીથી ભાજપ સાંસદ અને ભોજપુરી ગાયક મનોજ તિવારીએ MCD ચૂંટણી માટે બીજેપી માટે પણ ગીત પણ કમ્પોઝ કર્યું છે અને એમને આ ગીત ગયું પણ છે. ગીતના શબ્દો પણ મનોજ તિવારીના છે અને આ સાથે જ આમ આદમી પાર્ટી એ પણ સોમવારે બપોરથી MCD ચૂંટણી અભિયાન શરૂ કરી દીધું હતું. જણાવી દઈએ કે MCD ચૂંટણી પ્રભારી દુર્ગેશ પાઠકે ટ્વિટ કરીને લખ્યું હતું કે ભાજપ શાસિત MCDએ 15 વર્ષમાં દિલ્હીને ત્રણ મોટા-મોટા કચરાના પહાડો આપ્યા જેનાથી આખી દિલ્હીને કચરો બનાવી દીધી.
BJP शासित MCD ने 15 सालों में दिल्ली को तीन बड़े-बड़े कूड़े के पहाड़ दिए, पूरी दिल्ली को कूड़ा-कूड़ा बना दिया।
आम आदमी पार्टी आज शाम 3:30 बजे MCD चुनाव को लेकर एक बड़ा कैंपेन लाँच करेगी।#MCDMeinBhiKejriwal
પહેલા જેવા જ વલણ સાથે જ યોજાશે MCDની ચૂંટણી
રાજ્ય ચૂંટણી પંચે MCDની ચૂંટણી 4 ડિસેમ્બરે કરાવવાની જાહેરાત કરી છે. 7 નવેમ્બરના રોજ ચૂંટણી માટે અધિસૂચના બહાર પાડવામાં આવી હતી અને તે જ દિવસથી નામાંકનની પ્રક્રિયા પણ શરૂ થઈ હતી. જણાવી દઈએ કે નામાંકન માટેની છેલ્લી તારીખ 14 નવેમ્બર નક્કી કરવામાં આવી છે અને નામાંકન પરત ખેંચવા માટેની છેલ્લી તારીખ 19 નવેમ્બર નક્કી કરવામાં આવી છે. આ સાથે જ મતગણતરીની તારીખ 7 ડિસેમ્બર નક્કી કરવામાં આવી છે. 4 ડિસેમ્બરના રોજ આ ચૂંટણી પ્રક્રિયા સવારે 8 થી સાંજના 5:30 વાગ્યા સુધી ચાલશે.
55,000 EVM નો થશે ઉપયોગ
આ વખતે ચૂંટણી 250 વોર્ડમાં યોજાશે અને તેમાં 55,000 EVMનો ઉપયોગ કરવામાં આવશે. સાથે જ જણાવી દઈએ કે ચૂંટણી માટે મોડલ-2 ઈવીએમનો ઉપયોગ કરવામાં આવશે. ચૂંટણી પહેલા બધા જ EVMનું પરીક્ષણ કરવામાં આવ્યું છે અને આ ચૂંટણીમાં દિલ્હી ચૂંટણી પંચ દ્વારા 1 જાન્યુઆરી 2022 ના રોજ જાહેર કરાયેલ મતદાર યાદી અનુસાર મતદારોની સંખ્યા નક્કી કરવામાં આવી છે.આ યાદીમાં કુલ મતદારોની સંખ્યા 1,46,73,847 છે પણ જણાવી દઈએ કે એવું નથી કે જેમના વોટર આઈડી કાર્ડ પાછળથી બન્યા છે તેઓ પોતાનો મત આપી શકતા નથી. નોમિનેશન પહેલા જેટલાના પણ વોટર કાર્ડ બન્યા છે તેઓ મતદાન કરી શકે છે.