સ્પોર્ટ્સ / અહો આશ્ચર્યમ્! મેસી અને રોનાલ્ડોને પાછળ છોડી 21 વર્ષીય એમ્બાપે દુનિયાનો સૌથી મોંઘો ફૂટબોલરઃ વેલ્યૂ રૂ. 2490 કરોડ

આ અહેવાલમાં યુરોપની ટોપ ફાઇવ લીગ-બુંદેસલિગા, ઈંગ્લિશ પ્રીમિયર લીગ, લા લિગા, સીરી-એ અને લીગ-1ના સૌથી મોંઘા 20-20 ખેલાડીઓને સામેલ કરવામાં આવ્યા છે. કોરોનાના કારણે ખેલાડીઓની બ્રાન્ડ વેલ્યૂ પર પડેલી અસરને પણ આમાં સામેલ કરવામાં આવી છે.

• એમ્બાપેએ મેસી રોનાલ્ડોને છોડ્યા પાછળ
• 21 વર્ષનો છે રોનાલ્ડો

અહેવાલમાં મેસીની વેલ્યૂ 100.1 મિલિયન પાઉન્ડ (961 કરોડ રૂપિયા) અને રોનાલ્ડોની 60.8 મિલિયન પાઉન્ડ (લગભગ રૂ. 603 કરોડ) આંકવામાં આવી છે. આ બંને વચ્ચે બ્રાઝિલનો નેમાર જુનિયર 82.7 મિલિયન પાઉન્ડ (લગભગ 794 કરોડ રૂપિયા)ની વેલ્યૂ સાથે 37મા નંબર પર છે.

ટોચના ત્રણ સૌથી મોંઘા ખેલાડીઓમાં માન્ચેસ્ટર સિટીનો રહીમ સ્ટર્લિંગ બીજા નંબર પર છે, જેની વેલ્યૂ 194.7 મિલિયન પાઉન્ડ (લગભગ 1869 કરોડ રૂપિયા) આંકવામાં આવી છે, જ્યારે બોરુસિયા ડોર્ટમન્ડનો જેડોન સેન્ચો 179.1 મિલિયન પાઉન્ડ (લગભગ રૂ. 1720 કરોડ)ની વેલ્યૂ સાથે ત્રીજા નંબર પર છે. જ્યારે આ જ લિસ્ટમાં બાર્સેલોનાના એન્તોઇન ગ્રિઝમેને કેપ્ટન મેસીને પણ પાછળ પાડી દીધો છે. 136.4 મિલિયન પાઉન્ડ (લગભગ 1310 કરોડ રૂપિયા)ની વેલ્યૂ સાથે તે આઠમા નંબર પર છે.

ઈંગ્લેન્ડના જેડોન સેન્ચોએ બુંદેસલિગામાં ડોર્ટમન્ડ તરફથી રમતાં આ સિઝનમાં 17 બોલ કર્યા છે અને 16 આસિસ્ટ કર્યા છે. તેણે બે વર્ષ પહેલાં જ આંતરરાષ્ટ્રીય ફૂટબોલમાં પદાર્પણ કર્યું હતું.