અમદાવાદના પ્રફુલ્લ બિલૌરે ઘણા સંઘર્ષોને પાર કરીને સફળતાનો શિખર સર કર્યો છે.
અમદાવાદના પ્રફુલ્લે ચા વેચીને ઉભો કર્યો કરોડોનો બિઝનેસ
MBA કરવા માંગતા હતા પ્રફુલ્લ
ચાનો બિઝનેસ શરૂ કરવાનો કર્યો નિર્ણય
ચાનો સ્ટોલ લગાવીને વધુમાં વદુ કેટલા રૂપિયાનો બિઝનેસ કરી શકાય? હજાર- બે હજાર? કોઈ પણ ગામ કે શહેરમાં એવો એક ચા વાળો હોય જ છે જે ખૂબ જ ફેમસ હોય છે. લોકો મોટાભાગે તેની ચાના ચર્ચા કરતા રહે છે અને બહારથી ક્યારેય પણ કોઈ આવે તો ત્યાંથી ચા પીવે છે.
અમદાવાદના પ્રફુલ્લ બિલૌરે ઘણા સંઘર્ષોને પાર કરીને સફળતાનો શિખર સર કર્યો છે. તેમની સફળતાની કહાણી પણ ખૂબ જ રસપ્રદ છે. તે કોલેજમાં હતા, ફેલ થયા બાદ તેમણે અભ્યાસ છોડી દીધો અને હવે ચા વેચવા લાગ્યા છે. ચા પણ એવી વેચી કે હાલ આખો દેશ તેમની ચાની ચર્ચા કરી રહ્યો છે. તેમને 'ચા વાળા'ના નામથી ઓળખવામાં આવે છે. ફક્ત 4 વર્ષમાં તેમણે પોતાની 3 કરોડની કંપની બનાવી લીધી છે. તેમની કહાણી ખૂબ જ ઈન્સ્પાયરિંગ છે.
આ રીતે કરી હતી શરૂઆત
પ્રફુલ્લ MBA કરવા માંગતા હતા. અને IIMમાં એડમિશન લેવા માંગતા હતા. તેના માટે તેમણે કેટની પરીક્ષા પણ આપી. પરંતુ ફેલ થઈ ગયા. પ્રફુલ્લ કેટની પરીક્ષામાં ફેલ થયા પરંતુ જીવનની પરીક્ષામાં નહીં.
કેટની પરીક્ષામાં સતત ફેલ થવાના કારણે તે નિરાશ થઈ ગયા. થોડા અઠવાડિયાઓ સુધી તેમણે પોતાને એક રૂમમાં બંધ કરી લીધું. તે ઘણા દિવસો સુધી પરેશાન રહ્યા. આખરે તેમને અમદાવાદમાં પિત્ઝાની દુકાનમાં 37 રૂપિયા પ્રતિ કલાકની નોકરી મળી ગઈ. કામ હતું ડિલિવરી બોયનું.
તેમાં તેમનું પ્રમોશન પણ થયું પરંતુ તેમને કંઈક અલગ કરવું હતું. કંઈક પોતાનું કરવું હતું. એવામાં તેમણે પોતાનો બિઝનેસ શરૂ કરવાનું વિચાર્યું. પરંતુ તેમની પાસે પૈસા ન હતા. ઓછી રકમમાં બિઝનેસ ઉભો કરવાની ઈચ્છામાં પછી તેમને ચાની દુકાનનો આઈડીયા આવ્યો. તેમના પેરેન્ટ્સ પાસેથી 8000 રૂપિયા લીધા અને અમદાવાદના એસજી હાઈવે પર ચાનો ગલ્લો શરૂ કર્યો.
કામ આવ્યો આ આઈડિયા, બની ગયા MBA ચાવાળા
એક રિપોર્ટ અનુસાર શરૂઆતમાં ચાનો ગલ્લો ન ચાલ્યો. એવામાં તેમણે નિર્ણય કર્યો કે ચા પીવા માટે લોકો તેમની પાસે આવે કે ન આવે તેમની ચા લોકો સુધી પહોંચશે. તેમણે જણાવ્યું કે તે જ્યારે ચા લઈને લોકોની પાસે જતા અને તેમની સાથે ઈંગ્લિશમાં વાત કરતા જોતા તો તે ચોંકી ઉઠતા હતા. આ રીતે ધીરે ધીરે પ્રફૂલ્લના ગ્રાહકો વધવા લાગ્યા અને તેમની કમાણી દર મહિને હજારોમાં પહોંચી ગઈ.
લોકોના એન્ટરટેઈમેન્ટ માટે પ્રફુલ્લ પોતાના ચાના ગલ્લા પર જ ઓપન માઈક લગાવી દેતા હતા. વેલેન્ટાઈન ડે પર તેમણે સિંગલ લોકોને ફ્રીમાં ચા આપી. આ સ્ટોરી ખૂબ વાયરલ થઈ હતી ત્યાર બાદ તેઓ લગ્નમાં ચાનો સ્ટોલ લગાવવા લાગ્યા. 'MBA ચા વાળા' નામની પાછળની કહાની વિશે પ્રફુલ્લ જણાવે છે કે તેમણે પોતાના ટી સ્ટોલનું નામ 'મિસ્ટર બિલૌરે અમદાવાદ ચાવાળા' રાખ્યું હતું. જેને શોર્ટમાં MBA ચાવાળા કહેવામાં આવવા લાગ્યુ અને આ રીતે તે ફેમસ થઈ ગયા.
ફ્રેન્ચાઈઝી લઈ રહ્યા છે લોકો
પ્રફુલ્લનો આઈડીયા ખૂબ ફેમસ થઈ ચુક્યો છે. લોકો તેમની ફ્રેન્ચાઈઝી લેવા માટે તૈયાર રહે છે. આખા દેશમાં તેમની કુલ 11 ફ્રેન્ચાઈઝી છે. તે મોટિવેશનલ સ્પીકર છે અને ઘણી કોલેજોમાં લેક્ચર પણ આપી ચુક્યા છે. પ્રફુલ્લ ફક્ત ચાની જ ફ્રેન્ચાઈઝીથી નથી કમાતા, તે લગ્ન પ્રસંગમાં પણ ચા બનાવવા માટે જાય છે અને એક દિવસના 50 હજાર ચાર્જ કરે છે.
આટલું જ નહીં ક્રિપ્ટોકરન્સી અને શેર બજારમાં પણ ઈન્વેસ્ટ કરે છે. પ્રફુલ્લનું એક સપનું છે. તે ઈચ્છે છે કે હાર્ટ, કેન્સર જેવી ગંભીર બિમારીઓથી પીડિત લગભગ 100 લોકો માટે તે 1થી લઈને 10 લાખ રૂપિયા સુધીનું ફંડ ભેગુ કરવા માંગે છે. તેના માટે તેમણે ચા મેરેથોનનું આયોજન કરવાનું પણ વિચારી લીધુ છે.