રાજકોટઃ શહેરમાં ડૉ. શ્યામ રાજાણીની પૂર્વ પત્ની કરિશ્માની ઓડિયો ક્લીપ વાયરલ થઈ છે. જેમાં પત્ની દ્વારા શ્યામ રાજાણીની ડૉક્ટરની ડિગ્રી નકલી હોવાનો આરોપ લગાવવામાં આવ્યો છે. તેમજ તેના ચારિત્ર્ય પર પણ આક્ષેપ લગાવ્યો હતો.
જેને લઈને પોલીસે ડૉક્ટર શ્યામ રાજાણીની હોસ્પિટલ પર દરોડા પાડ્યા હતા. રાજકોટમાં કુવાડવા રોડ પર આવેલ લાઈફ કેર હોસ્પિટલમાં પોલીસે તપાસ હાથ ધરી હતી. જેમાં ડૉકટરની હોસ્પિટલના 2 માળનું બાંધકામ ગેરકાયદેસર હોવાનું બહાર આવ્યુ હતું. તેમજ સર્ચ દરમિયાન હોસ્પિટલમાં સગીર યુવતીઓ કામ કરતી હોવાની માહિતી પોલીસને મળી હતી.
પોલીસે અનેક દસ્તાવેજ અને સાહિત્ય કબ્જે કરી આગળની કાર્યવાહી હાથ ધરી હતી. જો કે પોલીસની કાર્યવાહી દરમિયાન લોકોના ટોળા એકઠા થયા હતા. જેથી પરિસ્થિતિને ધ્યાને રાખી મોટી સંખ્યામાં પોલીસ કાફલો
તૈનાત કરવામાં આવ્યો છે.
રાજકોટના DCPની પ્રેસ કોન્ફ્રન્સ
ડોક્ટર દ્વારા યુવકને માર મારવાના મામલે રાજકોટના DCPએ પ્રેસ કોન્ફ્રન્સ કરી હતી. તેમને કહ્યું હતું કે ડોક્ટરની ડિગ્રી હોમિયોપેથિકની હોવાનુ બહાર આવ્યું છે. આ ઉપરાંત મયૂર મોરી મામલે ડોક્ટરની પૂછપરછ કરાઈ રહ્યું છે. ડોક્ટરની પૂર્વ પત્નીની પણ પૂછપરછ કરાઇ રહી છે. હોસ્પિટલમાં CCTV સહિતના નિયમોની તપાસ કરાઈ રહી છે કારણે કે તપાસમાં સીસીટીવી કેમેરા બંધ હોવાની માહીતી મળી છે. આ ડોક્ટર પાસે MBBSની ડિગ્રી નથી. પોલીસે વધુમાં કહ્યું કે મયુર અને શ્યામના સંબંધને લઇ તપાસ કરાઈ રહી છે. મારામારી કરતા યુવાનો વીડિયોમાં દેખાતા 2 યુવકોને લઇને પૂછપરછ કરાઈ રહી છે.
પોલીસે ડો.શ્યામ રાજાણી સહિત 3ની અટકાયત કરી
આ મામલે પોલીસે ડોક્ટર શ્યામ રાજાણી સહિત 3 લોકોની અટકાયત કરી હતી. સાથે જ પોલીસે ગાડીમાં બેસી રહેલા ચોથા યુવક રાજુની શોધખોળ શરૂ કરી છે. તમામ આરોપીઓને અલગ અલગ રાખી પોલીસ દ્વારા પૂછપરછ કરવામાં આવી રહી છે. મહત્વનુ છે કે છેલ્લા 22 દિવસથી મયુર ગુમ છે. ત્યારે હવે મયુરનો એક વીડિયો વાયરલ થયો છે. આ વીડિયોમાં 4 શખ્સો મયુરને માર મારતા દેખાઈ રહ્યા છે.