વાળને કાળા સ્વસ્થ બનાવવાની સાથે તેનો ગ્રોથ વધારવા માટે મહિલાઓ અનેક ઉપાયો અજમાવે છે. શાઈની અને લાંબા વાળ માટે જો તમે અનેક ઉપાયોથી કંટાળ્યા છો તો હવે તમે પિઝ્ઝા કે બર્ગરમાં વપરાતું મેયોનીઝ યૂઝ કરી શકો છો. તે વાળને સોફ્ટ બનાવે છે. વાળની ફ્રિઝિનેસ ખતમ કરવાની સાથે તે વાળને પોષણ પણ આપે છે. અઠવાડિયામાં 2 વાર તેના ઉપયોગથી વાળ નરમ અને શાઈની બને છે.
વાળની માવજત માટે યૂઝ કરો મેયોનીઝ
વાળનો ગ્રોથ વધશે, ડેન્ડ્રફ દૂર રહેશે
વાળ નરમ અને શાઈની બનાવવામાં ઉપયોગી છે મેયોનીઝ
વાળ રહેશે નરમ
મેયોનીઝ વેજિટેબલ ઓઈલ, ઈંડા, વિનેગર અને લીબુના રસથી બને છે. આ દરેક તત્વો વાળને હેલ્ધી રાખવા માટે જરૂરી છે. કેટલીક બ્રાન્ડમામં ઓલિવ ઓઈલનો પણ ઉપયોગ કરાય છે. આ તત્વોથી વાળની કુદરતી નમી બની રહે છે. મેયોનીઝના નિયમિત ઉપયોગથી વાળ સિલ્કી રહે છે. સારી વાત તો એ છે કે સ્ટ્રેટ હેરથી લઈને કર્લી હેરમામં પણ તમે તેનો ઉપયોગ સરળતાથી કરી શકો છો.
ડેન્ડ્રફની સમસ્યાથી મળશે છૂટકારો
મેયોનીઝમાં રહેલું વિનેગર વાળના ડેન્ડ્રફને દૂર કરે છે. વિનેગરથી વાળનું પીએચ બેલેન્સ મેન્ટેન કરવામાં મદદ મળે છે. સાથે તે સ્કલ્પમાંના બેક્ટેરિયાને પણ રોકે છે. ઈંડામાં પેપ્ટાઈડ્સ હોય છે તેનાથી હેરગ્રોથ સારો રહે છે. મેયોનીઝમાં વપરાતા ઈંડાની જર્દી પ્રોટીન અને ફેટી એસિડ્સ પૂરતા પ્રમાણમાં હોય છે, તેનાથી વાળને ભરપૂર પોષણ મળે છે. મેયોનીઝમાં L-cysteine નામનો એમીનો એસિડ મળે છે. જે હેરગ્રોથમાં વધારો કરે છે.
ફ્રિઝિનેસ દૂર થાય છે
મેયોનીઝમાંનું વેજિટેબલ ઓઈલ વેવી અને કર્લી વાળ માટે ફાયદારૂપ છે. તેનાથી વાળમાં સીરમની ઊણપ પૂરી થાય છે. નેચરલ ઓઈલના કારણે વાળ જલ્દી સૂકા દેખાય છે અને તેને ઓળવામાં પણ મુશ્કેલી પડે છે. મેયોનીઝનો ઉપયોગ કરવાથી વેવી અને કર્લી વાળ વધારે શાઈની દેખાય છે.
આ રીતે વાળ માટે કરો મેયોનીઝનો ઉપયોગ
મેયોનીઝને વાળમાં લગાવતાં પહેલાં વાળને થોડા ભીના કરો. ત્યારબાદ વાળની લંબાઈના આધારે એક બાઉલમાં મેયોનીઝ લો. હવે તેને વાળના મૂળમાંથી છેડા સુધી સારી રીતે લગાવો. હવે શાવરકેપથી અડધા કલાક સુધી તેને ઢાંકી લો. તેનાથી વાળ સોફ્ટ અને સિલ્કી બનશે. આ મેયોનીઝ હેર પેક વાળમાં નિયમિત લગાવવાથી ફાયદો દેખાશે. વાળનો ગ્રોથ પણ સારો થશે અને તેનાથી વાળ બાઉન્સી અને સ્ટ્રેટ દેખાશે.