ભારત અને બંગલાદેશની ટેસ્ટ મેચમાં મયંક અગ્રવાલે બેવડી સદી ફટકારી બાંગ્લાદેશને સ્કોરના બોજ નીચે દબાવી દીધું. મયંક અગ્રાવાલે પીચ પર ચોગ્ગા અને છક્કાનો જાણે વરસાદ કરી દીધો હોય તેવો માહોલ જોવા મળ્યો. મયંક અગ્રવાલે આજે સાબિત કરી બતાવ્યું કે જ્યારે તે ટોપ ગીયરમાં બેટિંગ કરે ત્યારે બોલરનાં ફોતરા કાઢી શકે છે.
28 વર્ષના મયંકે પોતાના ટેસ્ટ કરિયરની બીજી બેવડી સદી ફટકારી
ભારતીય ટીમે આજે આક્રમક બેટિંગ કરી હતી
મેચના બીજા દિવસે ભારતીય ટીમે વિસ્ફોટક બેટિંગ કરતા 407 રન બનાવ્યા
25 ચોગ્ગા અને 5 છક્કા ફટકાર્યા
જમણા હાથના બેટ્સમેન મયંક અગ્રવાલે બાંગ્લાદેશી બોલર્સ વિરુદ્ધ ધુંઆધાર બેટિંગ કરી. તેમણે 303 બોલમાં તેમની ડબલ સેન્ચુરી પૂરી કરી લીધી, જેમાં 25 ચોગ્ગા અને 5 છક્કા ફટકાર્યા. આ સાથે જ રોહિત શર્મા પછી તે બીજા બેટ્સમેન બની ગયા જેમણે છક્કા સાથે પોતાની બેવડી સદી પૂરી કરી લીધી. પોતાની આથમી ટેસ્ટ રમતી વખતે 28 વર્ષના મયંકે પોતાના ટેસ્ટ કરિયરની બીજી બેવડી સદી ફટકારી. આ પહેલાં વિશાખાપટ્ટનમમાં પોતાના કરિયરની પહેલી બેવડી સદી ફટકારી હતી.
303 બોલમાં તેમની ડબલ સેન્ચુરી પૂરી કરી
બાંગ્લાદેશને હરાવા માટે મેદાનમાં ઉતારેલી ભારતીય ટીમે આજે આક્રમક બેટિંગ કરી હતી, એમાં મયંક અગ્રવાલે તો વિસ્ફોટક બેટિંગ કરીને બાંગ્લાદેશની હાર સુનિશ્ચિત કરી નાખી. મયંક અગ્રવાલ પૂરી તૈયારી સાથે ક્રીઝ પર ઉતર્યા હતા. આજે ભારતીય બેટ્સમેનએ બાંગ્લાદેશના સ્કોરને રમકડું સાબિત કરી દીધું હતું. આજે મયંક અગ્રવાલે સાબિત કરી દીધું કે જો મયંક અગ્રવાલ આક્રમણ કરવાનું મન બનાઈ લે તો કોઈ બોલર તેને રોકી શકે નહિ.
આ સિવાય ચેતેશ્વર પૂજારાએ 54 અને રહાણેએ 86 રન ફટકારી યોગદાન આપ્યું
આ સિવાય ચેતેશ્વર પૂજારાએ 54 અને રહાણેએ 86 રન ફટકારી યોગદાન આપ્યું હતું. રવીન્દ્ર જાડેજાએ 60 અને ઉમેશ યાદવે 25 રન બનાવી અણનમ રહ્યા હતા. ઇન્દોરમાં હોલકર સ્ટેડીયમમાં મેચનાં પહેલાં દિવસે બાંગ્લાદેશે ટોસ જીતી બેટિંગ કરવાનો નિર્ણય લીધો હતો. મેચના બીજા દિવસે ભારતીય ટીમે વિસ્ફોટક બેટિંગ કરતા 407 રન બનાવ્યા.