ગુજરાતના જાણીતા હાસ્ય કલાકાર માયાભાઈ આહિરની દિકરી સોનલના તાજેતરમાં જ લગ્ન પૂર્ણ થયા અને આ લગ્નોત્સવમાં માયાભાઈના ઘરે ત્રણ દિવસ સુધી જલસો જોવા મળ્યો હતો. લગ્નમાં ગુજરાતભરમાંથી મોટી મોટી હસ્તીઓએ હાજરી આપી હતી.
માયાભાઈ આહિરના ઘરે લગ્ન પ્રસંગ
ટોચના કલાકારોએ હાજરી આપી
લગ્નમાં મોટી મોટી હસ્તીઓનો મેળાવડો જોવા મળ્યો
લોકપ્રિય ડાયરા કલાકાર અને હાસ્ય કલાકાર માયાભાઈ આહીરની દીકરીના લગ્ન ધામધૂમથી યોજાયા હતા. માયાભાઈ આહીરની દીકરી સોનલે અમરેલી જિલ્લા આહીર સમાજના અગ્રણી અને ભાજપ નેતા જીતુભાઈ ડેરના દીકરા મોનીલ ડેર સાથે પ્રભુતામાં પગલાં માંડ્યા હતા. દીકરીના લગ્નપ્રસંગે ત્રણ દિવસ સુધી માયાભાઈ આહીરના ઘરે જલસો ચાલ્યો હતો. પહેલાં દિવસે ગરબા-રાસ, બીજા દિવસે ડાયરો અને ત્રીજા દિવસે લગ્ન યોજાયા હતા. આ ભવ્ય લગ્નમાં ગુજરાતના અનેક ટોચના નેતાઓ, બિઝનેસમેન અને કલાકારો ઉપસ્થિત રહ્યા હતા.
ભાવનગર જિલ્લાના તળાજા તાલુકાના બોરડા ગામે માયાભાઈ આહિરે લગ્ન પ્રસંગ રાખેલો હતો. આ ગામે ડેર પરિવારની જાન આવી હતી. વરરાજો મોનિલ ડેર હાથી પર ચડીને આવ્યો હતો.
માયાભાઈ આહિરના ઘરે લગ્ન પ્રસંગ નિમિતે ગુજરાતભરમાંથી મહેમાનો અને મોટી મોટી હસ્તીઓએ લગ્નમાં હાજરી આપી હતી.
આ લગ્ન પ્રસંગમાં અનેક મોટી હસ્તીઓ ઉપસ્થિત રહી હતી. લગ્નમાં ગુજરાતના કેન્દ્રીય મંત્રી મનસુખ માંડવીયા, ભુપેન્દ્રસિંહ ચુડાસમા, પ્રદીપસિંહ જાડેજા, જીતુ વાઘાણી, અર્જુન મોઢવાડિયા, પરશોતમ રૂપાલા, સાંઈરામ દવે, કીર્તીદાન ગઢવી, જીગ્નેશ કવિરાજ, અલ્પા પટેલ અને પૂનમ માડમ જેવી અનેક હસ્તીઓ લગ્નમાં હાજરી આપી હતી.
માયાભાઈ દીકરી સોનલને મોનિલ ડેર સાથે પરણાવવામાં આવી છે. મોનિલ ફિલ્મ ક્ષેત્ર સાથે પણ સંકળાયેલો છે.