સરકારે મે મહીનામાં ગોલ્ડ બોન્ડ દ્વારા 25 લાખ યુનિટનું વેચાણ કરીને 1168 કરોડ રૂપિયાની કમાણી કરી છે. ભારતીય રિઝર્વ બેંક દ્વારા જાહેર કરવામાં આવેલ આંકડાથી ખબર પડે છે કે, સોવરેન ગોલ્ડ બોન્ડ દ્વારા થનારી આ સૌથી મોટી કમાણી કરી છે.
કોરોનાના કહેર વચ્ચે આસમાને પહોંચ્યા સોનાના ભાવ
54 હજાર ભાવ થવાની નિષ્ણાંતોએ વ્યક્ત કરી આશા
આ ગોલ્ડ બોન્ડને 11 થી 15 મે વચ્ચે સબ્સ્ક્રિપ્શન માટે શરૂ કરવામાં આવ્યું છે. જેમાં યુનિટ ગોલ્ડના ભાવ 4,590 રૂપિયા હતા. ગોલ્ડ બોન્ડના એક યુનિટમાં એક ગ્રામ હોય છે.
એપ્રિલમાં થઇ હતી 822 કરોડ રૂપિયાની કમાણી
અત્યાર સુધીમાં સોવરેન ગોલ્ડ બોન્ડના 39 સબ્સ્ક્રિપ્શન દ્વારા જાહેર કરવામાં આવી ચુક્યા છે. તેની સૌથી વધુ કમાણી ઓક્ટોબર 2016 માં મે પહેલાં ગોલ્ડ બોન્ડ દ્વારા કરવામાં આવી હતી. ઓક્ટોબર 2016 માં કુલ 1,082 કરોડનું સબસ્ક્રિપ્શન હતું, જેમાં 35.98 લાખ યુનિટ વેચાયા હતા. એપ્રિલ 2020 માં રોકાણકારોએ કુલ રૂ. 822 કરોડની કિંમત સાથે 17.73 લાખ યુનિટ્સ ખરીદ્યા.
સોનાના રોકાણમાં જબરદસ્ત તેજી
ઉલ્લેખનીય છે કે, નાણાકીય સંકટ અથવા આવા સમયમાં બજારમાં ઉથલ-પુથલ સૌથી વધુ જોવા મળી છે, આ દરમિયાન ગોલ્ડમાં રોકાણ કરવું ઉત્તમ વિકલ્પ માનવામાં આવે છે કારણ કે તેમાં જોખમ ઓછું અને રિટર્ન વધારે હોય છે. ગત એક વર્ષમાં ગોલ્ડ પર 40 ટકા રિટર્ન મળ્યું. વર્લ્ડ ગોલ્ડ કાઉન્સિંગના એક રિપોર્ટ અનુસાર, 2020 પહેલા તબક્કામાં જબરજસ્ત રોકાણની ડિમાન્ડ જોવા મળી છે.
કોરોના વાયરસ મહામારીના આર્થિક પ્રભાવને વિશે અનિશ્ચિતતા છે. આંતરરાષ્ટ્રીય નાણાકીય ભંડોળ, આર્થિક સહકાર અને વિકાસ માટેના સંગઠન, મૂડીઝ અને વિશ્વ બેંક જેવી સંસ્થાઓએ વૈશ્વિક વિકાસના અંદાજમાં ભારે ઘટાડો થયો છે. આથી જ સોનામાં રોકાણ કરવું એ સૌથી સલામત વિકલ્પ માનવામાં આવે છે.
54 હજાર સુધી જઇ શકે છે સોનાના ભાવ
ગોલ્ડના ભાવની વાત કરીએ તો ફરી એકવાર 47 હજાર રૂપિયા પ્રતિ 10 ગ્રામ થઇ ચૂક્યા છે. નજીકના ભવિષ્યમાં તેનું આઉટલુક પણ પોઝિટિવ છે. તો કેટલાક નિષ્ણાંતો એવી આશા કરી રહ્યા છે કે, આગામી 12 મહિનામાં ગોલ્ડના ભાવ 54 હજાર પ્રતિ 10 ગ્રામના સ્તર સુધી જઇ શકે છે.