દિલ્હી: તાલિબાનના ગોડફાધર ગણાતા પ્રમુખ પાકિસ્તાની ધર્મગુરૂ મૌલાના સમી-ઉલ હકની પાકિસ્તાનના રાવલપિંડીમાં હત્યા કરી દેવાઈ. પ્રાપ્ત વિગતો મુજબ 82 વર્ષીય હક પખ્તૂનખાના અકોરા ખડ્ડક શહેરમાં ઈસ્લામી મદ્રેસા દારૂલ ઉલૂમ હક્કાનિયાનો પ્રમુખ અને કટ્ટરપંથી રાજનીતિક પાર્ટી જમિયત -ઉલેમા-એ-ઈસ્લામ-સામીનો અધ્યક્ષ હતો.
પ્રાપ્ત વિગતો મુજબ સમી ઉલ હકની હત્યા કેટલાક અજાણ્યા શખ્સો દ્વારા કરવામાં આવી છે. હુમલાખોરો તેના ઘરમાં ઘૂસ્યા હતા અને ચાકૂથી તેની હત્યા કરી નાખી. હકના દીકરા મૌલાના હમીદુલના જણાવ્યા મુજબ જ્યારે તેના પિતા ઘરમાં આરામ ફરમાવી રહ્યા હતા ત્યારે આ ઘટના બની.
તેના પિતાનો ગાર્ડ બજારમાં ગયો હતો અને જ્યારે પરત ફર્યો ત્યારે જોયું તો તેના પિતાનું શરીર લોહીથી લથપથ પડ્યુ હતું. તો આતંકી હાફિઝ સઈદે આ અંગે નિંદા કરતા કહ્યું કે પાકિસ્તાનની શાંતિ ડોહળવવા માટે આ એક આંતરરાષ્ટ્રીય કાવતરૂ છે.