મૌલાનાએ હિજાબને લઇને સરકાર પર પ્રહાર કર્યો અને રામાયણના પ્રસંગનો ઉલ્લેખ કરતાં કહ્યું કે લક્ષ્મણ પોતાની ભાભીને ઓળખી નહોતા શક્યાં.
હિજાબ મુદે જયપુરમાં મૌલાનું નિવેદન
રામાયણનું ઉદાહરણ આપી કરી વાત
લક્ષમણજી અને સીતાજીનાં પ્રસંગનો કર્યો ઉલ્લેખ
જયપુર: હિજાબ વિવાદમાં હવે રામાયણનાં પ્રસંગોનો પણ ઉલ્લેખ કરવામાં આવી રહ્યો છે. મુસ્લિમ પર્સનલ લૉનાં પ્રવક્તા મૌલાના સજ્જાદ નોમાનીએ જયપુરનાં એક કાર્યક્રમમાં હિજાબ સંબંધિત વિવાદમાં રામાયણનો ઉલ્લેખ કર્યો છે. મૌલાનાએ કહ્યું કે 'આજે આપણા દેશની બાળકીઓને હિજાબ પહેરવાથી રોકવામાં આવી રહ્યાં છે જ્યારે સમગ્ર દુનિયાને હિજાબ પહેરવાનું ભારતે શિખવ્યું છે.' જેમાં તેમણે રામાયણનું ઉદાહરણ આપ્યું.
મૌલાનાએ લક્ષ્મણ- સીતાની કરી વાત
મૌલાનાએ હિજાબ વિવાદ પર રામાયણનો ઉલ્લેખ કરતાં કહ્યું કે લક્ષ્મણજી 14 વર્ષ સુધી વનમાં માતા સીતાની સાથે રહ્યાં પરંતુ તેમ છતાં પણ તે સીતાજીનો ચહેરો જોઇ શક્યાં નહીં કારણકે તે પડદાંમાં હતી.
'હિજાબ અને પડદા સાથે ભારતીય સંસ્કૃતિનો અતૂટ સંબંધ'
મૌલાનાએ જયપુરનાં ઇદગાહમાં મહિલાઓનાં એક કાર્યક્રમમાં જોડાયા હતાં. તે દરમિયાન તેમણે હિજાબને લઇને સરકાર પર પ્રહારો કર્યાં અને સાથે જ કહ્યું કે આ હિજાબ અને પડદાં સાથે ભારતીય સંસ્કૃતિનો અતૂટ સંબંધ છે.
મૌલાના સજ્જાદ નોમાની આ વિષય પર બોલ્યાં
તેમણે કહ્યું કે 'હવે આ દેશની અંદર હિજાબ પહેરવામાં મુશ્કેલીઓ આવી રહી છે. આ વાતને નોટ કરવામાં આવે કે દુનિયાને હિજાબ, દુનિયાને પડદો પહેરવાનું સૌથી પહેલાં ભારતે શિખવ્યું છે. જે દેશે દુનિયાને હિજાબ શિખવાડ્યું હતું તે દેશની અંદર બાળકીઓને હવે મુશ્કેલીઓ આવી રહી છે. જો તે સાચી ભારતીય સંસ્કૃતી તરફ આગળ જાય તો તેમને પડદો કરવો પડે. જો તમે રામાયણનાં કોઇ સ્કોલર સાથે મુલાકાત લ્યો, જો તમારી કોલેજમાં સંસ્કૃતનાં કોઇ પ્રોફેસર હોય અથવા ગૂગલ પર પણ તમે સર્ચ કરી શકો છો. રામાયણનો અંગ્રેજી અનુવાદ વાંચો કે હિન્દીમાં વાંચો જેમાં સીતાજીની વાપસી પછી જે ઉત્સવ ઉજવવામાં આવે છે તે ચેપ્ટર વાંચો '
પડદાંને લીધે લક્ષ્મણ સીતાજીનો ચહેરો ન જોઇ શક્યાં
તેમણે આગળ કહ્યું કે 'આટલાં લાંબા સમયનાં વિભાજન બાદ રામચંદ્રજી અને સીતાજીનું મિલન થઇ રહ્યું છે..જે ખરેખર ખુશીની વાત છે. તો રામચંદ્રજીના નાનાં ભાઇ લક્ષ્મણને કહેવામાં આવે છે કે આ ખુશીના સમયે પોતાની ભાભી સીતાજીનાં ગળાંમાં માળા પહેરાવો.. આ અત્યંત ખુશીની ઘડી છે... રામાયણમાં લખ્યું છે કે ત્યાં 14 મહિલાઓ ઊભી હતી. લક્ષ્મણજી એ 14 મહિલાઓની સામે હાર લઇને માંથું જૂકાવીને ઊભા રહ્યાં. લોકોએ લક્ષ્મણજીને કહ્યું કે જલ્દી કરો.. બીજા અનેક કાર્યક્રમ છે. તમે ભાભીના ગળે જલ્દીથી હાર પહેરાવો. ત્યારે લક્ષ્મણજીએ કહ્યું કે મને જણાવો કે આ મહિલાઓમાંથી મારી ભાભી કોણ છે. ત્યારે લોકોએ કહ્યું કે તમે 14 વર્ષ જંગલમાં સાથે રહ્યાં તો પણ આ મહિલાઓમાંથી તમારી ભાભી કોણ છે તે ન ઓળખ્યાં. તેના પર લક્ષ્મણે કહ્યું કે મેં કોઇદિવસ તેમના ચરણોની ઉપર જોયું હોત તો ઓળખી શક્યો હોત...તેનાથી મોટો પડદો બીજો કયો છે.'