IPLIN
 

મહા ટક્કર! / 'ફરીથી TV તૂટશે...', ભારત-પાકિસ્તાન વચ્ચે મેચ પહેલા એડ થઇ રિલીઝ, જુઓ 'મૌકા-મૌકા'

Team VTV 09:00 PM, 13 Oct 21 | Updated: 09:02 PM, 13 Oct 21
Follow us
mauka mauka ad india vs pakistan t20 world cup cricket match

24 ઓક્ટોબરે ટી-20 વર્લ્ડકપમાં ભારત અને પાકિસ્તાન વચ્ચે પ્રથમ ટક્કર છે. વર્લ્ડકપમાં થનારા આ મુકાબલા પહેલા દર વખતની જેમ આ વખતે પણ સ્ટાર સ્પોર્ટ્સ દ્વારા મૌકા-મૌકા એડ બનાવવામાં આવી છે.

  • ભારત-પાકિસ્તાન વચ્ચે વર્લ્ડકપમાં ટક્કર પહેલા નવી એડ થઇ રિલીઝ
  • 24 ઓક્ટોબરે ભારત અને પાકિસ્તાનની ટીમો ફરી એક વખત ક્રિકેટ મેદાન પર ટકરાશે
  • તમામની નજર ભારત-પાકિસ્તાન મેચ પર રહેશે

બુધવારે નવી એડ રિલીઝ થઇ અને તરત જ સોશિયલ મીડિયા પર મીમ્સની હારમાળ થઇ ગઇ, ભારતના લોકોએ એક વખત ફરી પાકિસ્તાનને વર્લ્ડકપમાં તેનો રેકૉર્ડ યાદ અપાવ્યો છે.

શું છે આ વખતે નવી એડમાં?

આ વખતે પણ મૌકા-મૌક એડમાં એજ જૂના પાકિસ્તાની ફેનને બતાવવામાં આવ્યા છે, આ વખતે તે દુબઈના મૉલમાં ટીવી ખરીદવા ગયા છે. ટીવીવાળાથી તે મોટું ટીવી માંગે છે, જેથી પાકિસ્તાનની જીત તેના પર દેખાઇ શકે. ટીવી વાળા એક જ કારણે 2 ટીવી આપે છે અને કહે છે કે એક પર એક ફ્રી છે, જે મેચ બાદ તોડવા માટે કામ આવશે.

એડ આવતા જ ટ્વિટ પર મીમ્સનું પુર

મૌકા-મૌકા એડ આવતાની થોડી જ વારમાં સોશિયલ મીડિયા પર મીમ્સનુ પુર આવી ગયું, લોકોને આ એડ ખુબ જ પસંદ આવી છે. તેવામાં યૂઝર્સે લખ્યું કે આ વખતે ફરીથી પાકિસ્તાનના ઘરોમાં ટીવી તૂટશે. કેટલાકે લખ્યું કે, અમે તો ક્યારના આ એડની રાહ જોતા હતા

24 ઓક્ટોબરે ભારત અને પાકિસ્તાનની ટીમો ફરી એક વખત ક્રિકેટ મેદાન પર ટકરાશે

ભારત અને પાકિસ્તાન બન્ને ટીમ વચ્ચે 24 ઓક્ટોબરે દુબઈમાં ટક્કર થશે. ભારત-પાકિસ્તાનના સંબંધોને જોતા લાંબા સમયથી બંને દેશોની ક્રિકેટ ટીમો વચ્ચે કોઈ દ્વિપક્ષીય શ્રેણી રમાઈ નથી. ત્યારે હવે UAEમાં આ વર્ષે 17 ઓક્ટોબરથી ટી 20 વર્લ્ડ કપ શરૂ થવા જઈ રહ્યો છે. આ દરમિયાન તમામની નજર ભારત-પાકિસ્તાન મેચ પર રહેશે. બંને દેશોના ક્રિકેટ ચાહકો લાંબા સમય બાદ આ મેચને લઈને ખૂબ જ ઉત્સાહિત છે.

India vs Pakistan World Cup match T20 World Cup ભારત પાકિસ્તાન
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ