ટેટ-2માં ઉતિર્ણ ઉમેદવારોની ભરતીને લઇ શિક્ષણ વિભાગના અધિકારીઓ પર દબાણ

ગાંધીનગરઃ ટેટ-2માં ઉતિર્ણ ઉમેદવારોની ભરતી કરવાની માગના મામલે રાજ્ય શિક્ષણ વિભાગના અધિકારીઓ ઉપર દબાણ કરવામાં આવી રહ્યું છે.

મળતી માહિતી પ્રમાણે વિદ્યાસહાયકો દ્વારા ભરતી કરવા મામલે શિક્ષણ વિભાગના અધિકારીઓને ધમકી ભર્યા મેસેજ કરવામાં આવ્યા છે. અંદાજીત 1 હજાર જેટલા વિદ્યાસહાયકોએ વોટ્સએપ પર ધમકી ભર્યા મેસેજ મોકલ્યા છે.

જણાવ્યું છે કે જો તાત્કાલિક ભરતી કરવામાં નહીં આવે તો સામૂહિક આત્મવિલોપન કરવામાં આવશે. જોકે આવા ધમકી ભર્યા મેસેજને લઈને શિક્ષણ વિભાગ દ્વારા સાયબર સેલને સૂચના આપવામાં આવી છે કે ચિમકી આપનારા તમામ અરજદારો સામે જરૂરી પગલા ભરવામાં આવે.