ભારે કરી ! / VIDEO: મેડમના કપડાં ન બગડે એટલે બાળકો પાસે બનાવડાવ્યો ખુરશીનો ‘પુલ’, વીડિયો વાયરલ થતાં જ કાર્યવાહી

• મુશળધાર વરસાદને કારણે શાળામાં પાણી ભરાયુ
• શિક્ષકે શાળામાંથી નિકળવા બાળકો પાસે પાણીમાં ખુરશી મુકાવી
• ખુરશીની પર પગ મુુકીને નિકળ્યાં શિક્ષક, વીડિયો વાયરલ 

શાળામાં પાણીમાં ખુરશીનો પુલ બનાવ્યો 

મથુરામાં પોતાના શિક્ષક માટે પાણીમાં ખુરશીનો પુલ બનાવવાનો મામલો સામે આવ્યો છે. શિક્ષક માટે વિદ્યાર્થીઓના આત્મસમર્પણના આ ભાવના વખાણ પણ થઇ રહ્યાં છે તો કેટલાંક યુઝર્સ તેની ટીકા કરી રહ્યાં છે. આ મામલો બલદેવ ક્ષેત્રના ગ્રામ પંચાયત દઘેટાના પ્રાથમિક વિદ્યાલયનો છે. વરસાદના કારણે શાળામાં પાણી ભરાઈ ગયુ હતુ. પરંતુ જ્યારે શાળા છૂટી ત્યારે શાળાની સહાયક શિક્ષકના પદ પર તેનાત પલ્લવીએ વરસાદના પાણીમાંથી બહાર નિકળવા માટે બાળકો પાસે પાણીમાં ખુરશી મુકાવી. 

પાણીમાં ખુરશી મુકીને પાણીમાંથી પાર થયા શિક્ષક 

શાળામાં ભરેલા પાણીમાં ખુરશીનો પુલ બનાવીને શિક્ષકને નિકાળવાનો વીડિયો સોશિયલ મીડિયામાં વાયરલ થયો છે. ત્યારબાદ આ વીડિયો પર યુઝર્સ અલગ-અલગ પ્રતિક્રિયા આપી રહ્યાં છે. કોઈ તેને બાળકના ભવિષ્ય સાથે રમત રમવાની વાત કરીને શાળામાં અભ્યાસ પર સવાલ ઉઠાવી રહ્યાં છે તો કોઈ તેને બાળકોનો શિક્ષક પ્રત્યે સમર્પણ ભાવ કહી રહ્યાં છે. 

#Mathura: स्कूली छात्रों ने टीचर के लिए बनाया कुर्सी का पुल#UttarPradesh #ViralVideo pic.twitter.com/CBdtGkWRd8

— Zee News (@ZeeNews) July 28, 2022

ગ્રામજનો અનેક વખત ફરિયાદ કરી ચૂક્યા છે

બલદેવ સ્થિત દઘેટા ગામની આ પ્રાથમિક શાળામાં કુલ 7 શિક્ષક છે. જેમાં ચાર મહિલાઓ અને ત્રણ પુરૂષ છે. પરંતુ પલ્લવી તેમાંથી એકલી ખુરશીનો પુલ બનાવી તેના પરથી પસાર થઇ. ગ્રામજનોનુ કહેવુ છે કે થોડા વરસાદ આવે ત્યાં શાળામાં પાણી ભરાઈ જાય છે, જેના કારણે શાળાના બાળકોને પરેશાની થાય છે. પરંતુ તેના પર ગ્રામ પંચાયત અને અધિકારી કોઈ ધ્યાન આપતુ નથી. વીડિયો વાયરલ થયા બાદ મીડિયામાં એવા અહેવાલો આવી રહ્યાં છે કે શિક્ષકને સસ્પેન્ડ કરી દેવામાં આવ્યાં છે.