તમારા કામનું / જો તમારું બાળક પણ ગણિતમાં નબળું છે, તો આ બિમારી હોય શકે છે જવાબદાર, જાણી લો લક્ષણો અને ઇલાજ

• ઘણા બાળકોને મેથ્સ કઠિન લાગે છે 
• આવું મેથ્સ ડિસ્લેક્સિયા નામની બીમારીને કારણે પણ થઇ શકે છે 
• નાના નાના સવાલોને સોલ્વ કરવામાં પડે છે તકલીફ 

ઘણા લોકો ભણવામાં નબળા હોય છે, સૌના પોતાના કારણો હોય છે. અમુક બાળકો તો પુસ્તકને હાથ પણ લગાવવા માંગતા નથી અને અમુક બાળકો ધ્યાન આપવા છતાં પણ નબળા હોય છે. આજે અમે તમને એક એવી બીમારી વિશે જણાવવા જઈ રહ્યા છીએ, જેને કારણે બાળકો ભણવામાં અન્ય બાળકો કરતાં પાછળ રહી જાય છે. આજે આપણે એવા બાળકોની વાત કરીશું, જે મેથ્સમાં પાછળ હોય છે. આ બીમારીને મેથ્સ ડિસ્લેક્સિયા કહે છે. 

શું છે ડિસ્લેક્સિયા?
મેથ્સ ડિસ્લેક્સિયા પર થયેલા એક રીસર્ચ થકી જાણવા મળ્યું કે આ તકલીફ જેનેટિકલ હોય છે. આ ઉપરાંત નાની ઉંમરમાં જ્યારે ઘણા બાળકો મેથ્સને પોતાના મગજમાં જ કઠિન માની લે છે અને ડરને કારણે મેથ્સના સવાલોથી અંતર બનાવી લે છે, પછી આ ડર કોઈ બીમારીની જેમ જ મનમાં બેસી જાય છે. આ સાથે જ બાળકોને મેથ્સનાં કોન્સેપ્ટ સમજવામાં તકલીફ પડે છે. 

શું છે લક્ષણો?
મેથ્સ ડિસ્લેક્સિયાનાં શિકાર બનેલા લોકોમાં જોવામાં આવે છે કે તેઓ મલ્ટીપ્લિકેશન, ફ્રેક્ક્ષન અને ડીવીઝન જેવા ઘણા નાના સવાલોને સોલ્વ નથી કરી શકતા. આ ઉપરાંત આ બીમારીથી પરેશાન લોકોને ઉલ્ટી ગણતરી, સીધી ગણતરીમાં પણ કન્ફયુઝન થાય છે. આ સાથે જ તેમને નંબર ઓળખવામાં પણ તકલીફ પડે છે. 

શું છે ઈલાજ?
મેથ્સ ડિસ્લેક્સિયા એક પ્રકારે મગજ સાથે જોડાયેલી બીમારી છે અને આ માટે કોઇ ચોક્કસ ઈલાજ નથી પણ એક્સપર્ટ જણાવે છે કે આનો ઈલાજ એ છે કે બાળકો રેગ્યુલર મેથ્સની પ્રેક્ટીસ કરે અને આ વિષય તરફ વધારે ધ્યાન આપે. આ પ્રકારે આ બીમારીને કંટ્રોલ કરી શકાય છે.