ક્રિકેટ / ક્રિકેટ જગત અચંબિતઃ અંડર 19 વર્લ્ડકપમાં મથીશાએ 175 કિમીની ઝડપે બોલ ફેંક્યો?

• ભારત અને શ્રીલંકા વચ્ચે અંડર-19 વિશ્વકપ રમાઈ હતી
• મથીશા પથિરાનાએ 175 કિમી ઝડપે કરી બોલિંગ
• શ્રીલંકાના 17 વર્ષીય મથીશાએ કરી કમાલ

ગત રવિવારે ભારત-શ્રીલંકા વચ્ચે રમાયેલી મેચ ચર્ચાનો વિષય બની ગઈ છે. એ મેચમાં શ્રીલંકાના 17 વર્ષીય ફાસ્ટર મથીશા પથિરાનાએ એક એવો બોલ ફેંક્યો, જે વાઇડ હતો, જોકે એ બોલથી હંગામો મચ્યો. અસલમાં મથીશાના એ બોલને ક્રિકેટ ઇતિહાસનો સૌથી ઝડપી બોલ ગણાવાયો. લાઇવ ટેલિકાસ્ટ દરમિયાન ટીવી સ્ક્રીન પર બતાવવામાં આવેલી ઝડપ અનુસાર મથીશાના બોલની ઝડપ 175 કિમીની આંકવામાં આવી હતી. પથિરાનાએ ભારતના યશસ્વી જયસ્વાલ સામે એ બોલ ફેંક્યો હતો. ટીવી સ્ક્રીન પર એ બોલની ઝડપ દર્શાવવામાં આવી ત્યારે બધાં ચોંકી ઊઠ્યાં હતાં, જોકે બાદમાં જાણવા મળ્યું હતું કે ટેકનિકલ ખરાબીના કારણે એ આંકડો દર્શાવાયો હતો.

ICCએ પુષ્ટિ નથી કરી 

અંડર-19 વિશ્વકપમાં ભારત સામે શ્રીલંકાના પથિરાના દ્વારા ૧૭૫ કિમીની ઝડપે ફેંકવામાં આવેલા બોલ ખરેખર ઝડપી છે કે પછી ટેકનિકલ ખરાબી છે એ અંગે આઇસીસીએ કોઈ સ્પષ્ટતા કરી નથી.

Sri-Lankan U19 Pacer Pathirana clocked a stunning 175 kph on the speed gun in #U19CWC match Against India on a Wide Ball.

On the right corner of the screen, the speed of the delivery showed at 108 mph. #INDvSL #INDU19vSLU19 #Cricket #CWCU19 pic.twitter.com/7uKD73zYn0

— Mahirat 🤹🏏 (@GOATKingKohli) January 20, 2020

ક્રિકેટ ઇતિહાસનો સૌથી ઝડપી બોલ અખ્તરના નામે

પાકિસ્તાનના ભૂતપૂર્વ ફાસ્ટ બોલર શોએબ અખ્તરના નામે ક્રિકેટ ઇતિહાસનો સૌથી ઝડપી બોલ ફેંકવાનો રેકોર્ડ નોંધાયેલો છે. ઈંગ્લેન્ડ સામે 2003માં અખ્તરે 161.3 કિ.મી.ની ઝડપી બોલ ફેંક્યો હતો. આઇસીસીની રેકોર્ડ બુકમાં શોએબનો એ બોલ નોંધાયેલો છે.

175 કિમીની ઝડપે બોલ ફેંકવો શક્ય છેઃ 

કોઈ પણ બોલર માટે આટલી ઝડપથી બોલ ફેંકવો અશક્ય વાત નથી. જો શ્રીલંકાના 17 વર્ષીય પથિરાનાએ 175 કિમી ઝડપે બોલ ફેંક્યો હોય તો એ આશ્ચર્યની વાત નહીં હોય, કારણ કે ટેનિસમાં સૌથી ઝડપી સર્વિસ 263.4 કિમીની નોંધાયેલી છે, જ્યારે બેડમિન્ટનમાં સૌથી ઝડપી સ્મેશ 493 કિમી પ્રતિકલાકનો નોંધાયેલો છે.