IPLIN
 

ક્રિકેટ / હૈદરાબાદ ખાતે આજે ભારત અને વેસ્ટઈન્ડીઝ વચ્ચે પ્રથમ ટી-20 મેચ

Team VTV 02:09 PM, 06 Dec 19
Follow us
Match Preview India vs West Indies

શુક્રવારે એટલે કે આજથી ભારતીય ક્રિકેટ ટીમ અને વેસ્ટઈન્ડીઝ વચ્ચે T20 મેચ સીરીઝની શરૂઆત થશે. હૈદરાબાદના રાજીવ ગાંધી આંતરરાષ્ટ્રીય સ્ટેડિયમમનો પહેલો મુકાબલો રમાશે. વિશ્વ રેન્કિંગમાં પાંચમા ક્રમે આવેલા ભારતે આ વર્ષે ઓગસ્ટમાં વેસ્ટ ઇન્ડીઝ પ્રવાસ પર ત્રણેય ફોર્મેટમાં યજમાનોને ક્લીન સ્વીપ કર્યા હતા. આ મેચ સાંજે 7.00 વાગ્યે શરૂ થશે. ભારતીય ટીમ ગયા મહિને બાંગ્લાદેશ સામે રમાયેલી ટી-20 સીરીઝમાં રોહિત શર્માની કેપ્ટનશીપ હેઠળ દબાણમાં જોવા મળી હતી. બાંગ્લાદેશ સામે ટી-20 મેચમાં યજમાનોને પ્રથમ વખત હારનો સામનો કરવો પડ્યો હતો. જોકે ટીમ ઈન્ડિયાએ શ્રેણી 2-1થી જીતી હતી.

  • બન્ને ટીમ વચ્ચે પહેલો મુકાબલો આજે શરૂ થશે
  • વિન્ડીઝ સામે 3 મેચની ટી-20 સીરિઝ રમાશે
  • આ મેચ આજે સાંજે 7.00 વાગ્યે શરૂ થશે

હવે કેપ્ટન વિરાટ કોહલીની વાપસીથી ટીમને ટોચના ક્રમમાં સ્થિરતા મળી છે. તેના સિવાય રોહિત, લોકેશ રાહુલ અને શ્રેયસ અય્યર એવા બેટ્સમેન છે જે કોઈ પણ બોલરના આક્રમણનો સામનો કરી શકે છે. ખાસ કરીને જ્યારે વેસ્ટ ઇન્ડીઝની ટીમમાં અનુભવી બોલરોનો અભાવ છે. બેટિંગ સિવાય ભારતીય ટીમની બોલિંગ પણ ઘણી જ આક્રમક દેખાઈ રહી છે. અનુભવી ભુવનેશ્વર કુમાર અને મોહમ્મદ શમીની વાપસીથી યજમાન ટીમના ઝડપી બોલિંગ આક્રમણને ખૂબ મજબૂત બન્યા છે. દીપક ચહર, ભુવનેશ્વર કુમાર અને મોહમ્મદ શમી ફાસ્ટ બોલર તરીકે સામેલ થઇ શકે છે. 

જો વેસ્ટ ઇન્ડીઝની ટીમ યજમાન ટીમના ફાસ્ટ બોલર્સનો તોડ શોધી લે તો, ભારત પાસે પણ કેરેબિયન ખેલાડીઓ રોકવા માટે યુઝવેન્દ્ર ચહલ, રવિન્દ્ર જાડેજા અને કુલદીપ યાદવ જેવા હથિયારો પણ સામેલ છે. બીજી તરફ, વર્લ્ડ રેન્કિંગમાં 10મા ક્રમાંકે રહેલાં વેસ્ટ ઇન્ડીઝે ભારત સામે વિજય શરૂઆત કરવી હોય તેમણે ટોપ ક્રિકેટ રમવું પડશે. કેરેબિયન ટીમનો તાજેતરનો ટી-20 રેકોર્ડ સાચો નથી અને ટીમ છેલ્લા 6 ટી -20 મેચોમાં હારી ગઈ છે. વેસ્ટ ઇન્ડીઝે તાજેતરમાં લખનઉમાં અફગાનિસ્તાન સામે 1-2 શ્રેણી ગુમાવી છે.

કીરોન પોલાર્ડની કેપ્ટન્સીવાળી વિન્ડિઝની ટીમ પણ અફગાનિસ્તાનની ઘાતક બોલિંગ સામે ટકી શકી નહોતી. એવામાં ભારતના વર્લ્ડ ક્લાસ ટોપ બોલર્સ સામે કેરેબિયન બેટ્સમેનોએ ટકી રહેવાં સારું પ્રદર્શન કરવું પડશે. ભારત આ સીરિઝને આવતા વર્ષે ટી-20 વર્લ્ડ કપ માટેની તૈયારીઓ માટે પણ મહત્વપૂર્ણ માની રહ્યું છે. આવતા વર્ષે ઓક્ટોબરમાં ઓસ્ટ્રેલિયામાં યોજાનારા ટી-20 વર્લ્ડ કપ પહેલા ભારતે ઓછી મેચ રમવાની છે અને જેથી ભારતે પોતાની નબળાઈ પર ધ્યાન આપવું પડશે.

Team India T-20 Series WestIndies હૈદરાબાદ ટી-20 મેચ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ