પહેલા દિવસના ટેસ્ટ મેચમાં જ્યાં દરેક લોકોનું ધ્યાન ઈંગ્લેન્ડના બેટ્સમેન પર હતું એ બધા વચ્ચે ઈંગ્લેન્ડની બેટિંગ દરમિયાન એક મહિલા તેના ઘરની છત પર ડાન્સ કરતી જોવા મળી હતી.
પાકિસ્તાનમાં ઈંગ્લેન્ડની ટીમ 3 મેચની ટેસ્ટ સીરિઝ રમવા આવી છે
ઈંગ્લેન્ડની બેટિંગ દરમિયાન ડાન્સ કરતી મહિલાનો વિડીયો વાયરલ
કેમેરામેનને જ નહીં પણ કોમેન્ટેટર્સએ પણ કર્યા તેના વખાણ
T20 વર્લ્ડ કપમાં ઈંગ્લેન્ડ સામે હાર્યા પછી હાલ પાકિસ્તાન અને ઈંગ્લેન્ડ ફરી એકવાર આમને-સામને છે પણ આ વખતે બંને T20 મેચમાં નહીં પણ ટેસ્ટ મેચમાંરમી રહ્યા છે. જણાવી દઈએ કે 17 વર્ષ પછી પાકિસ્તાનમાં ઈંગ્લેન્ડની ટીમ 3 મેચની ટેસ્ટ સીરિઝ રમવા આવી છે. આ સીરિઝની પહેલી મેચ 1 ડિસેમ્બરથી રાવલપિંડી ક્રિકેટ સ્ટેડિયમમાં રમાઈ રહી છે અને ઈંગ્લેન્ડના જબરદસ્ત પ્રદર્શનથી પાકિસ્તાન પરેશાન થઈ ગયું છે. ઇંગ્લેન્ડના ચાર બેટ્સમેન, જેક ક્રોલી, બેન ડકેટ, ઓલી પોપ અને હેરી બ્રુકે ટેસ્ટ મેચના પહેલા દિવસે સદી ફટકારી હતી એનએ એ કારણે ઇંગ્લેન્ડે પહેલી 75 ઓવરમાં 506 રન બનાવ્યા હતા.
પહેલા દિવસના ટેસ્ટ મેચમાં જ્યાં દરેક લોકોનું ધ્યાન ઈંગ્લેન્ડના બેટ્સમેન પર હતું એ બધા વચ્ચે ઈંગ્લેન્ડની બેટિંગ દરમિયાન એક મહિલા ડાન્સ કરતી જોવા મળી હતી. આ મહિલાને કેમેરામેને ઈંગ્લેન્ડની ચાલુ ઇનિંગ વચ્ચે કવર કરી હતી. આ સાથે જ કોમેન્ટેટરનું પણ ધ્યાન આ મહિલા પર પડ્યું હતું અને મેચમાં આ બેટ્સમેન સિવાય એક પાકિસ્તાની મહિલાના પરફોર્મન્સની પણ ઘણી ચર્ચા થઈ હતી.
મેચની વચ્ચે અચાનક કેમેરામેનની નજર ક્રિકેટ સ્ટેડિયમની બહાર થોડે દૂર બિલ્ડિંગ પર ડાન્સ કરી રહેલી એક મહિલા પર પડી હતી એનએ ત્યારથી તે લાઇમલાઇટમાં આવી ગઈ. જણાવી દઈએ કે આ સાડી પહેરેલી મહિલાના ડાન્સ મૂવ્સ વખાણવા લાયક હતા અને માત્ર કેમેરામેનને જ નહીં પણ મેચ દરમિયાન કોમેન્ટ્રી કરી રહેલા કોમેન્ટેટર્સને પણ આકર્ષિત કર્યા હતા.
હાલ તેનો વિડીયો સોશ્યલ મીડિયા પર ઘણો વાયરલ થઈ રહ્યો છે. અને લોકો વિડીયો પર અલગ અલગ કોમેન્ટ્સ કરી રહ્યા છે.