હાલમાં સોશિયલ મીડિયામાં ફિલ્મ મેચ ઑફ લાઈફનુ ટ્રેલર ચર્ચાનો વિષય બન્યું છે. કારણકે ફિલ્મના અભિનેતાનો દેખાવ ભારતના ડેશિંગ ક્રિકેટ સ્ટાર વિરાટ કોહલી જેવો છે.
સોશિયલ મીડિયામાં ફિલ્મ મેચ ઑફ લાઈફનુ ટ્રેલર ચર્ચાનો વિષય બન્યું
વિરાટ કોહલીનો હમશકલ જોઈને યુઝર્સ ચકરાઈ ગયા
શું ફિલ્મમાં અમને અનુષ્કા શર્માની ડુપ્લીકેટ પણ જોવા મળશે?
અનુષ્કા શર્મા ભાભીની ડુપ્લીકેટ પણ દેખાશે
પહેલી વખતમાં તો કોઈ પણ તેને જોઇને ચકરાઈ જશે. જેના કારણે આ ફિલ્મ અત્યારે સોશિયલ મીડિયામાં ખૂબ ચર્ચામાં છે. ફિલ્મનુ ટ્રેલર જોઇને યુઝર્સ ખૂબ મજાક કરી રહ્યાં છે. અમુક યુઝર્સે તો એવુ પણ કહ્યું કે શું અમને ફિલ્મમાં અનુષ્કા શર્માની ડુપ્લીકેટ જોવા મળશે. કારણકે કોહલી ભાઈ તો ભાભી વગર અધૂરા છે. તો અમુક યુઝર્સે લખ્યું છે કે જો હવે આ ફિલ્મ ચાલે તો વિરાટ કોહલીનુ બેટિંગ પર્ફોમન્સ ફરીથી દોડશે.
કોહલી જેવા દેખાતા અભિનેતાનુ નામ અમિત મિશ્રા છે
યાદ રહે કે ફિલ્મમાં કોહલી જેવા દેખાતા અભિનેતાનુ નામ અમિત મિશ્રા છે, જેનો દેખાવ, કદ બિલ્કુલ કોહલી જેવો છે અને તેના કારણે તેના મિત્ર અને પરિવારજનો અમિતને વિરાટ કોહલી કહીને બોલાવે છે અને આ વસ્તુ ફીલ્મમાં પણ બતાવવાનો પ્રયાસ કરવામાં આવ્યો છે, જો કે, ફિલ્મમાં ક્રિકેટ નહીં, પરંતુ કોહલીના હમશકલ હોવાથી એક વ્યક્તિએ શું સહન કરવુ પડે છે, તે બતાવવામાં આવ્યું છે.
સુલતાનપુરના રહેવાસી છે અમિત મિશ્રા
મહત્વનું છે કે કોહલીના હમશકલ અને તેના મોટા પ્રશંસક અમિત મથુરાની જીએલએ યુનિવર્સિટીમાંથી બી.ટેક કરી ચૂક્યા છે. તેઓ મૂળ યુપીના સુલતાનપુરના રહેવાસી છે. તેના પિતા ભાજપના નેતા છે. વિરાટની જેમ અમિત પણ પોતાની ધુનના પાક્કા છે, વિરાટ કોહલીને પોતાના આદર્શ માનનારા અમિત મિશ્રા કોહલીની જેમ ડ્રેસઅપ કરે છે અને કોહલીની જેમ પોતાનો લુક રાખે છે.