દુનિયાનાં સૌથી લોકપ્રિય ખેલ ફુટબોલ વિશ્વકપની શરૂઆત આજે થવા જઇ રહી છે. આ પ્રતિષ્ઠિત ટૂર્નામેન્ટમાં વિશ્વની 32 ઉત્તમ ટીમો ચમકતી ટ્રોફી માટે પોતાનો કમાલ દેખાડતાં નજરે ચડશે. ફાઇનલ મેચ 18 ડિસેમ્બરનાં યોજાશે.
FIFA વર્લ્ડકપની આજે કતરમાં શરૂઆત
ફ્રાન્સ સહિત 32 ટીમો લેશે ભાગ
18 ડિસેમ્બરનાં યોજાશે ફાઇનલ
ફુટબોલ વિશ્વ કપનાં 22માં એડિશનની શરૂઆત આજે કતરમાં થવા જઇ રહી છે. ફીફાનાં આ પ્રતિષ્ઠિત ટૂર્નામેન્ટમાં હાજર ચેમ્પિયન ફ્રાન્સ સહિત કુલ 32 ટીમો ભાગ લઇ રહી છે. હોસ્ટ કતર અને ઇક્કાડોરની વચ્ચે પહેલી મેચ રમાશે. 29 દિવસમાં 48 લીગ મેચ સહિત કુલ 68 મેચ રમાશે. લીગ સ્ટેજમાં 48 મેચ રમવામાં આવશે. જેમાં બેસ્ટ પ્રદર્શન કરવાવાળી 16 ટીમોને નેક્સ રાઉન્ડમાં એન્ટ્રી મળશે. ફાઇનલ મેચ 18 ડિસેમ્બરનાં યોજાશે.
ફીફા વિશ્વકપમાં સ્પર્ધકો તગડાં
ફીફા વિશ્વ કપ 2022ની ગેમ કતરનાં 8 સ્ટેડિયમમાં રમવામાં આવશે. 1930માં શરૂ થયેલ આ ટૂર્નામેન્ટમાં બ્રાઝીલે સૌથી વધુ 5 વખત કપ પોતાના નામ કર્યો છે. તો જર્મની અને ઇટલી 4 વખત વિજેતા બન્યાં છે.
પહેલીવાર આરબ દેશમાં યોજાયું ફીફા
આ ટૂર્નામેન્ટનું આયોજન પહેલીવાર આરબ દેશમાં થયું છે. 1930માં આ આયોજન ઉરુગ્વેમાં થયું હતું. આ બીજો મોકો છે કે જ્યારે એશિયાઇ દેશ ફીફા વર્લ્ડકપની હોસ્ટિંગ કરી રહ્યું છે. આ પહેલાં 2002માં પહેલી વાર આ ટૂર્નામેન્ટનું આયોજન એશિયામાં થયું હતું.
મેચ જીતનાર ટીમ થશે માલામાલ
ફીફા વર્લ્ડ કપ ફાઇનલમાં જીતનાર ટીમને લગભગ 342 કરોડ રૂપિયા ઇનામમાં મળશેય આ ટૂર્નામેન્ટની કુલ ઇનામી રાશિ 3578 કરોડ રૂપિયા છે. ફુટબોલ વિશ્વકપ અને હાલમાં સંપન્ન ટી20 વર્લ્ડ કપની કુલ મની પ્રાઇઝ વચ્ચે સરખામણી કરીએ તો લગભગ 80% જેટલો અંતર દેખાય છે. ટી20 વર્લ્ડકપની ઇનામી રાશિ 45 કરોડ હતી.