તપાસ / Aadhar લિંકના બદલામાં અમદાવાદમાં ઝડપાયું ડુપ્લીકેટ રબર સ્ટેમ્પનું મસમોટું કૌભાંડ, કોર્પોરેટરે કર્યો પર્દાફાશ

• અમદાવાદમાં આધારકાર્ડ લિંક કરવા ડુપ્લીકેટ રબર સ્ટેમ્પ કૌભાંડ 
• કાઉન્સિલર ભાવનાબેન વાઘેલાએ સમગ્ર કૌભાંડ ઝડપ્યું
• પોલીસ મનીષા શેખ નામની મહિલા આરોપીની કરી ધરપકડ

અમદાવાદમાં આધારકાર્ડ લિંક કરવા ડુપ્લીકેટ રબર સ્ટેમ્પનો કૌભાંડ મામલો સામે આવ્યો છે. આનંદનગર પોલીસે કૌભાંડની મહિલા આરોપીની ધરપકડ કરી છે. જે સમગ્ર કૌભાંડ મામલે મહિલા કોર્પોરેટરે પર્દાફાશ કર્યો હતો. 

કૌભાંડ મામલે મહિલા આરોપી કરી ધરપકડ
અમદાવાદમાં શિવરંજની ચાર રસ્તા પાસે સાયબર કાફેમાંથી આધારકાર્ડ લીંક કરવા ડુપ્લીકેટ રબર સ્ટેમ્પથી કૌભાંડ આચર્યું હોવાનું સામે આવ્યું છે. આનંદનગર પોલીસે મનીષા શેખ નામની મહિલા આરોપીની ધરપકડ કરી છે. વાડજ વોર્ડના કાઉન્સિલર ભાવનાબેન વાઘેલાએ સમગ્ર કૌભાંડ ઝડપ્યું છે. આ કૌભાંડમાં આધારકાર્ડ લિંક કરવા ડુપ્લિકેટ રબર સ્ટેમ્પનો ઉપયોગ કરાયાનો સામે આવ્યો છે. મનપાના નવા વાડજ વોર્ડના કાઉન્સિલરના ડુપ્લિકેટ રબ્બર સ્ટેમ્પનો ઉપયોગ કરાયો છે. ભાવનાબેન વાઘેલાના ડુપ્લિકેટ રબર સ્ટેમ્પ, સહી કરી આધારકાર્ડ લિંક કરવાનું કૌભાંડનો મામલો સામે આવ્યું છે. 

6 લોકોની અટકાયત કરાઈ
પોપ્યુલર પ્લાઝામાં આધાર સેવા સાયબર કાફેમાં કૌભાંડ મામલે ક્રાઈમ બ્રાન્ચે 6 લોકોની અટકાયત કરી છે. જેમાં મનીષા શેખ નામની મહિલાની ધરપકડ કરી છે. તેમજ દુર્ગા પ્રસાદ યાદવ વિરુદ્ધ ફરિયાદ દાખલ કરવામાં આવી છે અને આરોપી હજુ પણ ફરાર છે. સમગ્ર કૌભાંડ બાબતે ક્રાઈમ બ્રાન્ચ અને ઝોનન સેવન તેમજ એલસીબી સહિત પોલીસ જાણ કરાઈ હતી તેમજ આધારકાર્ડના નોંધણી અધિકારીને જાણ કરવામાં આવી હતી.