ડાઉન / ભારતની મોટા ભાગની ઇ કોમર્સ અને ઓનલાઈન સ્ટ્રીમિંગ વેબસાઇટ થઈ ડાઉન

• ઝૉમેટો, ડિઝની, અમેઝોન,પેટીએમ એપ્સ ડાઉન 
• એક પ્રાઈવેટ CDN માં  આવી છે સમસ્યા
• ઇ કોમર્સ વેબસાઇટ પણ ડાઉન 

ઝૉમેટો, ડિઝની, અમેઝોન,પેટીએમ સહિત દુનિયાની ઘણી વેબસાઇટ ડાઉન હડકંપ મચી ગયો છે, ઘણી મોટી માત્રામાં ઈન્ટરનેટ બંધ થવાથી આ બધી જ વેબસાઇટ ડાઉન ચાલી રહી છે. ANI ના જણાવ્યા મુજબ પ્રાથમિક તારણમાં એવું બહાર આવ્યું છે કે એક પ્રાઈવેટ CDN માં સમસ્યા આવતા આ ખામી સર્જાઇ છે.

આ રિપોર્ટ મુજબ ગાર્ડીયન, બીબીસી અને ન્યુયોર્ક ટાઈમ્સની સાથે સાથે ઝૉમેટો, ડિઝની, અમેઝોન, પેટીએમ જેવી બધી જ સાઇટોને આ સમસ્યાનો સામનો કરવો પડી રહ્યો છે. ઇન્સ્ટરગ્રામમાં પણ આ ખામી જણાઈ છે. 

આ રિપોર્ટ અનુસાર અમેઝોન,પેટીએમ જેવી વેબસાઇટ પણ  સરખી રીતે કામ નથી કરી રહી. બ્રિટિશ સરકારની વેબસાઇટ પણ ઠપ થઈ ગઈ છે. જે પણ વેબસાઇટમાં આ પ્રોબ્લેમ આવી રહ્યો છે ત્યાં ‘Error 503 Service Unavailable’ ખામી દેખાઈ રહ્યું છે. ભારતમાં ઓનલાઈન સ્ટ્રીમિંગ પેલટફોર્મ જેવા કે Disney+ Hotstar, Zee5 અને  SonyLIV, સાથે જ ઇ કોમર્સ વેબસાઇટ  Zomato, Amazon, and Paytm આ બધા પર આ સમસ્યા આવી રહી છે.